-
Ratri Bara Chi Lavani (रात्री बारा ची लावणी)
अशोक मानकर यांच्या कथा म्हणजे वऱ्हाडी मातीतला सुगंध आहे. त्या केवळ वऱ्हाड संस्कृतीचं प्रतिनिधित्व करत नाहीत, तर अखिल मानवी वर्तनावर भाष्य करतात. कारण त्यात जीवन आणि मूल्यं आहेत. वऱ्हाडातलं अस्सल ग्रामीण जनजीवन त्यांच्या कथांनी सही सही जोखलं आहे आणि त्यांची वऱ्हाडी बोलीवरील हुकुमत वाखाणण्याजोगी आहे. मानवी जीवनातल्या विसंगती टिपूनही या कथा इतक्या सभ्य, शालीन आणि कुलीन असतात, की आबालवृद्धांनी त्या सोबत वाचाव्यात. त्यांच्या कथांमधला डोळ्यांत भरणारा गुणविशेष म्हणजे व्यक्तिचित्रण. ही पात्रं खरीखुरी आणि हाडामांसाची वाटतात. असं वाटतं, ही माणसं आपल्या आसपास वावरत आहेत किंवा आपण यांना कुठेतरी भेटलेलो आहे. विशेष म्हणजे, निरक्षर वा अल्पशिक्षित असलेली ही पात्रं आपल्याला जीवनानुभव शिकवतात.
-
Chandrabudhicha Blog (चंद्राबुडीचा ब्लॉग)
कथांचा घाट आणि विषय़ यांचे मोठया प्रमाणात नागरीकरण झालेलं आहे. पण कथांची बीजं छोट्या गावातही असतात. त्यातून विनोदी अंगानी जाणाऱ्या गावातल्या कथा लिहिण्यासाठी केवळ निरीक्षण आणि भाषाशैली पुरेशी नसते; ती भाषा जगलेली असावी लागते. अस्सल वऱ्हाडी भाषा जगणारे आणि ती समर्थपणे उतरवणारे लेखक ही ओळख अशोक मानकरांनी कमावलेली आहे. या कथा लिहिताना ग्रामीण भागावर नव्या तंत्रज्ञानाचा झालेला परिणाम, त्याचं चित्रण करण्यात मानकरांचा हातखंडा आहे. वऱ्हाडी ठेचा आवडणाऱ्यांना आणि त्याची चव न चाखलेल्यांनाही हा कथासंग्रह सारखाच आनंद देईल.
-
Ganpat Family In New York (गणपत फॅमिली इन न्यूयार्
पश्चिम महाराष्ट्रात ग्रामीण भागातल समाजजीवन, माणसाचे इरसाल नमुने प्रथितयश लेखक शंकर पाटील विलक्षण पद्धतीने उभे करत त्याच्या शब्दाशब्दातून व्यक्तिरेखा जिवंत होत वाचकासमोर साकारत. त्या मातीचा गंध शब्दांत प्रभावीपणे टिपणातून हे घडत असे. वऱ्हाड-विदर्भातील आणि समाजजीवन अशाच प्रकारे आपल्या विनोदी कथेतून कुणी साकारत असेल तर ते अशोक मानकर. विविध मासिक आणि दिवाळी अंकातून अस्सल वऱ्हाडी बाजाचा लेखन अशोक मानकर करत आले आहेत. 'गणपत फॅमिली इन न्युयोर्क' या मधून अशोक मानकरांनी 'वऱ्हाड एक्स्प्रेस' वाचकांना रंजक सैर करून आणल्याशिवाय राहणार नाही..