-
Yugpravartak (युगप्रवर्तक)
"मला मृत्यूची पर्वा अजिबात नाही. ज्यावेळेस जन्म होतो त्यावेळेस तो एक आलेख लिहिलेलाच असतो. त्यामुळे मृत्यू केंव्हा आणि कसा येईल याची पर्वा मी करीत नाही. पण तो जेव्हा येईल तेव्हा मर्दासारखा असावा . मी माझं संपूर्ण शरीर देवतांपुढे वाहून टाकलेलं आहे. त्यांना जे हवंय ते त्या करतील. मला चिंता नाही ." शिवसेनाप्रमुख बाळासाहेब ठाकरे यांच्या निधनानंतर त्यांना आदरांजली वाहणाऱ्या या पुस्तकात विविध क्षेत्रांतील मान्यवरांचे लेख आहेत. बाळासाहेब हयात असताना त्यांच्यावर निघालेल्या विविध पुरवण्या आणि विशेषांकातील मान्यवरांचे वाचनीय लेख यात आहेत. त्याचबरोबर त्यांच्या निधनानंतर त्यांच्याविषयीचे अग्रलेख आणि लेख यामध्ये आहेत.
-
Tuziya Jateecha Milo Aamha Koni ( तुझिया जातीचा। म
पु. ल. देशपांडे यांच्यासंबंधी लिहून आलेल्या लेखांचे संकलन यामध्ये आहे. पु. ल. देशपांडे हे किती मोठे व्यक्तिमत्त्व होते हे कळण्यासाठी हे पुस्तक महत्त्वाचे आहे. या पुस्तकाला ज्येष्ठ पत्रकार अरुण टिकेकर यांची आस्वादक आणि अभ्यासपूर्ण अशी प्रस्तावना आहे. पुलं'बरोबरच्या अनेक आठवणी यामध्ये त्यांनी सांगितल्या आहेत. या लेखांचे संकलन भाऊ मराठे व अप्पा परचुरे यांनी केले आहे. अरुण फडके यांचं संहितासंपादन आहे. आचार्य प्रल्हाद केशव अत्रे, कुसुमाग्रज, बाळासाहेब ठाकरे, मोहन वाघ, भक्ती बर्वे-इनामदार आदी अनेक मान्यवरांनी लिहिलेले लेख या ग्रंथात आहेत. अनेकांनी वेगवेगळ्या कारणांनी हे लेख लिहिले आहेत. एकत्रितपणे हे लेख वाचताना खूप मजा येते. "पुलं'च्या चाहत्यांसाठी तर हे पुस्तक पर्वणी ठरावे इतके चांगले आहे.