Zen Garden
झेन गार्डन हा मिलिंद बोकील यांचा दुसरा कथासंग्रह. मिलिंद बोकिलांची सामाजिक कार्यकर्ता या नात्याने सतत जागृत असणारी तीव्र संवेदनशीलता त्यांच्यामधीललेखकाला पूरक आणि त्यांच्या कथाविश्वाला समृद्ध करणारी ठरली. समाजातील तळागाळातील माणसांचे प्रश्न समजून घेतानाच, त्याच्या जीवनाच्या आडव्या-उभ्या छेदांना ठिगळासारखे अपरिहार्यपणे जोडले जाणारे समाजाचे ओंगळ, विसंगत दर्शन त्यांच्या कथांतून ठळकपणे सामोरे येत जाते आणि 'सथीन', 'पायऱ्या'...यांसारख्या या संग्रहातील काही कथांचे आशयकेंद्र सामाजिक प्रश्नांशी, समस्यांशी अलगद नि सूक्ष्मपणे जोडले गेलेले जाणवते.
