Agatha Christie And The Eleven Missing Days

रहस्यकथांची सम्राज्ञी अगाथा ख्रिस्ती यांचं हे चरित्र आहे. मात्र ते केवळ तिच्या आयुष्यातल्या अकरा दिवसांविषयीच आहे. रहस्यकथांची सम्राज्ञी अगाथा ख्रिस्ती यांचं हे चरित्र आहे. मात्र ते केवळ तिच्या आयुष्यातल्या अकरा दिवसांविषयीच आहे. हे अकरा दिवस अगाथा आपल्या घरातून बेपत्ता होऊन एका हॉटेलमध्ये गुपचूप राहिली होती. अगाथा बेपत्ता का झाली आणि सापडली कशी याची कहाणी सांगणारी अनेक पुस्तके लिहिली गेली. पण जेरेड केड यांनी या पुस्तकातून अगाथाच्या बेपत्ता होण्यातलं खरं रहस्य शोधून काढलं. या पुस्तकावर बीबीसीने लघुपटही केला होता. नव-याशी होऊ घातलेल्या फारकतीमुळे रागावून त्याच्यावर सूड उगवण्यासाठी अगाथाने बेपत्ता होण्याचे नाटय़ रंगवले खरे, पण त्यात तीच फसली. कारण त्यावर ब्रिटिश प्रसारमाध्यमांनी मोठी खळबळ उडवून दिली. अगदी संसदेतही त्यावर प्रश्न विचारले गेले. हे पुस्तक जेरेड यांनी भरपूर कष्ट घेऊन आणि संधोधन करून लिहिलं असलं तरी मूळ घटना एवढी छोटी आहे की, त्यासाठी पुस्तकाचा खटाटोप जरा जास्त वाटू शकतो. शिवाय ज्यांना अगाथा माहीत आहे, त्यांनाच या पुस्तकाबाबत विशेष आस्था असू शकते. अंबिका सरकार यांचा अनुवाद मात्र अतिशय नेमका आणि सफाईदार झाला आहे.