-
Annanchi Topi (अण्णांची टोपी )
ज्येष्ठ कथाकार ,कादंबरीकार ,पत्रकार ,संपादक ह. मो .मराठे यांना सुचलेला व्यंगकथा हा नवाच कथाप्रकार. समाजजीवनातील व्यंग ,विसंगती आणि हास्यास्पदता अनुभवता त्यांना हा कथाप्रकार सुचला. खुसखुशीत , बोचर्या शैलीतली मांडणी वाचकाला रंजकही वाटते आणि कथेचा आशयही त्याला पटतो ,भावतो. यामुळेच त्यांचे 'डिंपल'ने प्रकाशित केलेले 'श्रीमंत श्यामची आई','मुंबईचे उंदीर' आणि 'चुनाव रामायण' हे तीनही व्यंगकथासंग्रह वाचकप्रिय ठरले. त्यांच्या नव्या आवृत्या लवकरच प्रसिद्ध होतील. 'अण्णांची टोपी' होमोंचा 'डिंपल' प्रकाशित चौथा व्यंगकथासंग्रह!
-
Ek Manus Ek Divas:2 (एक माणूस एक दिवस भाग : २)
एखाद्या प्रसिद्ध, नामवंत व्यक्तीबरोबर एखादा दिवस घालवून त्याबद्दल लेख लिहिण्याची ह. मो. मराठे यांची कल्पना एकदम अभिनवच ठरली. `घरदार’ मासिकातून ही कल्पना त्यांनी राबवली. हे लेख प्रसिद्ध होऊ लागले आणि वाचक अत्यंत उत्सुकतेने आणि चवीने ते वाचू लागले. एक लेख वाचून झाला की पुढल्या महिन्यात हमो कोणत्या प्रसिद्ध व्यक्तीच्या भेटीला आपणाला नेताहेत याची वाटच वाचक बघू लागले. कारण, या लेखातून आपणच त्या व्यक्तीच्या सहवासात एखादा दिवस घालवतो आहोत असा अनुभव वाचकांना येऊ लागला. या लेखांच्या रूपाने `पर्सनॉलिटी रिपोर्ट’ चा एक नवा फॉर्म हमोंनी पत्रकारितेला दिलाच, पण त्यांनी शैलीही अशी सिद्ध केली की हे लेख `वृत्तपत्रीय लेखना’च्या पातळीवरून वर उचलेले गेले आणि त्यांना व्यक्तिदर्शनात्मक वाङ्मयीन लेखांचे मूल्य प्राप्त झाले! हमो मराठे यांनी `किर्लोस्कर’मध्ये लिहिलेल्या त्याच लेखमालेतील लेखांचा हा दुसरा भाग! या भागात वाचाः मुख्यमंत्री मनोहर जोशी, प्रमोद नवलकर, जयंत नारळीकर, बाबा आढाव, विक्रम गोखले, प्रभाकर पणशीकर, शरद जोशी इत्यादी व्यक्तींबरोबर एक दिवस घालवून लिहिलेले लेख.
-
Ek Manus Ek Divas:1 (एक माणूस एक दिवस भाग : १)
एखाद्या प्रसिद्ध, नामवंत व्यक्तीबरोबर एखादा दिवस घालवून त्याबद्दल लेख लिहिण्याची ह. मो. मराठे यांची कल्पना एकदम अभिनवच ठरली. `घरदार’ मासिकातून ही कल्पना त्यांनी राबवली. हे लेख प्रसिद्ध होऊ लागले आणि वाचक अत्यंत उत्सुकतेने आणि चवीने ते वाचू लागले. एक लेख वाचून झाला की पुढल्या महिन्यात हमो कोणत्या प्रसिद्ध व्यक्तीच्या भेटीला आपणाला नेताहेत याची वाटच वाचक बघू लागले. कारण, या लेखातून आपणच त्या व्यक्तीच्या सहवासात एखादा दिवस घालवतो आहोत असा अनुभव वाचकांना येऊ लागला. या लेखांच्या रूपाने `पर्सनॉलिटी रिपोर्ट’ चा एक नवा फॉर्म हमोंनी पत्रकारितेला दिलाच, पण त्यांनी शैलीही अशी सिद्ध केली की हे लेख `वृत्तपत्रीय लेखना’च्या पातळीवरून वर उचलेले गेले आणि त्यांना व्यक्तिदर्शनात्मक वाङ्मयीन लेखांचे मूल्य प्राप्त झाले!
-
Kaliyug (कलियुग)
‘मला विकत घेता येणं शक्य आहे असं मालकांना वाटणं यातच माझा पराभव आहे; म्हणूनच मित्रांनो, मी तुमच्या कामगार संघटनेचं, नेतृत्व करण्यास अपात्र आहे’ या भूमिकेतून कामगार लढ्याला रामराम ठोकणारे आणि सध्या काब्रा अँड मल्होत्रा प्रा. लि. चे असोशिएट व्हाइस प्रेसिडेण्ट असणारे कत्रे... पुन्हा एकदा त्यांच्या आयुष्यात कामगार – संघर्ष प्रवेशतो आणि मोकाट सोडतो त्यांच्यातल्या हिंस्र श्वापदाला... औद्योगिक संघर्षाच्या पार्श्वभूमीवरची हमो मराठे यांची आणखी एक सशक्त लघुकादंबरी कलियुग.
-