-
Murder Mystery (मर्डर मिस्ट्री)
मानवी मनाच्या अज्ञात आणि अंधाऱ्या कोपऱ्यात काय दडलेलं असू शकतं? या प्रश्नाने अस्वस्थ होणाऱ्या प्रत्येकासाठी, दीपा देशमुख लिखित ‘मर्डर मिस्ट्री’ हे सत्य घटनांवर आधारित पुस्तक हादरवून टाकणाऱ्या हत्याकांडांच्या जगात घेऊन जातं; जिथे सत्य कल्पनेपेक्षाही विचित्र आणि भयावह आहे. संपत्तीचा हव्यास, सूडभावना, विश्वासघात, मालकी हक्क, राजकारण आणि मनातील विकृत इच्छा-आकांक्षा यांसारख्या अनेक कारणांमुळे घडलेले गुन्हे म्हणजे मानवी स्वभावाचं क्रूर दर्शनच होय. या पुस्तकातलं प्रत्येक पान वाचकाला एका थरारक तपासाचा साक्षीदार बनवेल. यात थंड डोक्याने आखलेले कट आहेत, तर कधी संतापाच्या भरात उचललेलं विध्वंसक पाऊल आहे, कधी परिस्थितीचा सूड घेण्यासाठी केलेलं अघोरी कृत्य आहे, तर कधी मानसिक गुंतागुंतीतून घडलेलं क्रौर्यदेखील आहे. ‘मर्डर मिस्ट्री’ या पुस्तकात केवळ देशविदेशातल्या गुन्ह्यांची नोंदच नाही, तर मानसशास्त्रीय विश्लेषण आणि न्यायासाठी दिलेल्या लढ्याचा एक अस्वस्थ करणारा प्रवास आहे. ‘मर्डर मिस्ट्री’ वाचत असताना तुमच्या मनात एकच प्रश्न निर्माण होईल - असं खरंच घडू शकतं? मनोविकास प्रकाशित, दीपा देशमुख लिखित ‘मर्डर मिस्ट्री’ वाचायलाच हवं!
-
-
Superhero-Dr.Prakash Aamte (सुपरहिरो- डॉ. प्रकाश आ
जिथे रस्ते नव्हते,वीज नव्हती,एव्हडंच काय,पण रोजच्या जगण्यासाठी लागणाऱ्या साध्या सुविधाही नव्हत्या, अशा हेमलकशासारख्या अतिशय दुर्गम आदिवासी भागात जाण्याचा निर्णय डॉ. प्रकाश आमटे यांनी आपल्या वडिलांना -बाबा आमटे यांना- दिलेल्या शब्दाखातर, आयुष्याचं ध्येय म्हणून घेतला. हेमलकशाच्या आजूबाजूला असलेलं जंगल,जंगलातले विंचू, साप,अस्वल आणि जंगली प्राणी ,आदिवासींच भीषण दारिद्र्य आणि कुपोषण,भाषेचे प्रश्न अशा अनेक अडचणींची मालिकाच डॉ. प्रकाश आमटे यांच्यापुढे होती. तरीही हि दुर्गम वाट स्वीकारत पुढे जाणाऱ्या डॉ. प्रकाश आमटे यांच्या अथक प्रयत्नांमधून आज हेमल कशात शाळा सुरु झाली. हॉस्पिटल उभारलं गेलं,शेती पिकू लागली आणि जे आज जगाच्या नकाशावर ठळकपणे आपली ओळख दाखवू लागलं आहे. डॉ. प्रकाश आमटे यांच्या कार्याची दखल राष्ट्रीयत्व नव्हे, तर आंतरराष्ट्रीय स्तरावर घेतली गेली आणि त्यांच्यावर 'मगसेसे' सह अनेक प्रतिष्ठित पुरस्कारांचा वर्षाव झाला. मानवतेचा ध्यास घेतलेले डॉ. प्रकाश आमटे आणि त्यांच्या प्रत्येक पावलावर साथ देणाऱ्या डॉ. मंदा आमटे यांनी हेमलकशातले आदिवासी आणि तिथले वन्य प्राणी यांच्या आयुष्यात नंदनवन फुलवलं. म्हणूनच तर ते ठरतात सर्वार्थानं 'तुमचे आमचे सुपरहिरो!'
-
Superhero Dr.Anand Nadkarni (सुपरहिरो-डॉ.आनंद नाडक
मनोविकार ते मनोविकास हा पंचवीस वर्षांचा प्रवास! मानसिक आरोग्य आणि समज यांच्यातली दरी दूर करण्याच्या ध्यासाने झपाटलेला 'शहाण्यांचा डॉक्टर' म्हणजे डॉ. आनंद नाडकर्णी. ठाण्यातली आय पी एच संस्था,पुण्यातलं मुक्तांगण व्यसनमुक्ती केंद्र याद्वारे 'सदृढ मन सर्वांसाठी' या ध्येय वाक्याचा उद्घोष करणारा कुशल संघटक, भारतातल्या औद्योगिक विकासासाठी कॉर्पोरेट ट्रेनर, उगवत्या आंतरराष्ट्रीय खेळाडूंसाठी मेनटॉर, गुणवान कलाकार आणि हरहुन्नरी मुलांसाठी मार्गदर्शक, मनोरुग्ण आणि त्यांच्या कुटुंबासाठी आधार असा हा कार्यकर्ता डॉक्टर - तुमचा आमचा 'सुपरहिरो!'