Aisa Dustar Sansar
मनुष्य रोज भोवताली अनेक गोष्टी पाहत असतो, ऐकत, वाचत असतो. त्यातून त्याचे आयुष्य पुढे चाललेले असते. जीवनात येणारे अनुभव, आठवणी यातून माणसाच्या मनाचा शोध घेण्याचा प्रयत्न भारत सासणे यांनी ‘ऐसा दुस्तर संसार’मध्ये केला आहे. यातील सात दीर्घकथांमधून विविध स्तरातील माणसांचे झगडणे, जीवनात पुन्हा उभे राहणे व भोवतालच्या परिस्थितीतून जगण्याचे मार्ग शोधणे हे व्यक्त होते. यात त्यांनी वेगळे प्रयोग केले असल्याने वाचकाला नवीन काही वाचायला मिळते.
