Showing Books By Language : Marathi

The Great Kanchana Circus (द ग्रेट कांचना सर्कस)

Sattak (सट्टक)

"सट्टक हा कवी भालचंद्र नेमाडे यांचा काव्यसंग्रह, देखणी (मेलडी आणि देखणी एकत्रित - 1991 (प. आ.)) नंतर तब्बल पस्तिसेक वर्षांच्या अंतराने प्रकाशित होत आहे. कवीच्या उत्तुंग प्रतिभेची साक्ष देणारा हा संग्रह आहे. आधुनिकीकरणाच्या माऱ्याखाली अधोगतीला लागलेल्या स्त्रिया, शेतकरी, कष्टकरी, दुय्यम पातळीवर ढकललेला शोषित जीव हे घटक या कवितेच्या केंद्रभागी आहेत. वास्तविक सट्टक म्हणजे आजच्या मूल्यऱ्हास झालेल्या जगण्यावर ओढलेला प्रखर आसूड आहे. सट्टक मधील कविता चक्रधर, तुकाराम, मुक्ताबाई, जनाई, बहिणाबाई, महात्मा फुले, मर्ढेकर यांच्या गद्य व पद्य परंपरेशी थेट नाते सांगते. सट्टक मधील ‘सरवा’, ‘अस्तुरीमृग’ आणि ‘मृत्यू’ या तीनही विभागांतील प्रत्येक कविता चिरंतन शिल्पासारखी आहे. या सर्व शिल्पांच्या अंतरंगात कधी ठिणग्या तर कधी ज्वाळा धगधगताना आढळतात. कवी आपल्या जगण्याचे कथन कवितेतून मांडत भोवतालच्या परिवेषाचा उभा आडवा छेद कसा घेतो याचे साक्षात रूप म्हणजे सट्टक. ‘घराघरातून’ या पहिल्या कवितेपासून ते ‘स्व’ ह्या अखेरच्या दीर्घ कवितेपर्यंत अस्वस्थ व सळसळते, करुणेने भरलेले कविहृदय प्रत्ययास येते. कवी भालचंद्र नेमाडे यांच्या प्रतिभाशक्तीचा संचार तळागाळापासून ते प्रस्थापित, उच्चभ्रू व्यवस्थेला, कधी पित्तृसत्ताक तर कधी मातृसत्तात्मकतेला कसा भेदत जातो याची येणारी प्रचीती सट्टक मध्ये अधिक तीव्र स्वरूपाची आहे. सत्तात्मक संबंधांतून आकारलेल्या शोषितांच्या वेदनांची कैफियत हा सट्टकचा केंद्रबिंदू असून कवीच्या संचित मनशक्तीतून, अनुभूतींतून, वास्तवाच्या प्रामाण्यातून ह्या कवितांचा आकृतिबंध साकारलेला दिसतो. ‘सरवा’, ‘अस्तुरीमृग’ आणि ‘मृत्यू’ हे तिन्ही विभाग चढत्या क्रमाने वाचकाच्या मेंदूचा कब्जा घेतात. एकूण सट्टक कृषी परंपरेतील जगण्याचा तळ शोधत, भारतीय सामाजिकतेचा, सांस्कृतिकतेचा नवा परीघ अधोरेखित करणारा काव्यसंग्रह आहे. जगण्याच्या संचिताचा चटका लावणारा ‘सरवा’ वेचत स्त्री-पुरुषांतील ठराविक नात्यापलीकडची शुद्ध मोकळीक, माणुसकीची नाती ‘अस्तुरीमृग’ मध्ये साकारतात. प्रस्थापित व्यवस्थेत आकारलेल्या स्त्री-जीवनाची काळजाला घरे पाडणारी वास्तव चित्रे वाचकाला सुन्न करून सोडतात. ‘अस्तुरीमृग’मधील कविता म्हणजे वेदनेचा दुखरा स्वर आहे. तर ‘मृत्यू’ या शेवटच्या विभागात कवी भालचंद्र नेमाडे यांचे श्रेष्ठ कवित्व गूढ उत्कटतेची परिसीमा ओलांडते. सट्टकचा आशय जसा अनवट आहे तसाच आकृतिबंधसुद्धा कोणत्याही परंपरेत बसवता न येणारा स्व-तंत्र आहे. लोकसंगीताची लय अंगात भिनवून ही कविता मौखिक परंपरेला स्वतःशी जोडून घेत संत परंपरेला आपलेसे करून स्वतःचे नवे प्रारूप घडवते. सट्टक हा काव्यसंग्रह मराठी कवितेला नवा आयाम प्राप्त करून देतो हे विशेषत्वाने नोंदवले पाहिजे. — शोभा नाईक "

Natyabhaarati (नाट्यभारती)

नाटक म्हणजे अल्प रंगमंचसज्जा, सशक्त कथानक अन् सामर्थ्यवान भावदर्शी अभिनय यांच्या बळावर प्रेक्षकांना स्वतःचा, आसपासचा आणि व्यापक समाजाचा गंभीर विचार करायला लावणारं एक महत्त्वाचं माध्यम आहे, हे या नाट्यसंस्थेनं आपल्या नाट्यकार्यातून दाखवून दिलं. बृहन्महाराष्ट्रातील मराठी जनांची नाळ आजही मराठी भाषा आणि महाराष्ट्रीय संस्कृतीशी जोडलेली आहे, ही गोष्ट अधोरेखित करणारा इंदौरच्या रंगकर्मीचा सात दशकांचा सर्जन प्रयोग 'नाट्यभारती'.

Yashodhara (यशोधरा)

या कांदबरीत गौतम बुद्धाच्या प्रत्यक्ष आयुष्यातल्या अशा काही रिकाम्या जागा अत्यंत कल्पकतेने आणि काही तीव्र भावनिक प्रसंगांच्या, भावनिक संघर्षांच्या आधाराने भरून काढण्यात आल्या आहेत. सिद्धार्थला एका वाटिकेत भेटलेली ही तरुणी कोण होती आणि जगाकडे पाहण्याचा तिचा दृष्टिकोन कशामुळे बदलत गेला? वयाच्या सोळाव्या वर्षी तिने सिद्धार्थशी विवाह केला. त्या वेळी तिला कल्पना तरी होती का की, अगदी थोड्याच काळानंतर तिचं वैवाहिक आयुष्य एक अगदी संपूर्ण अपरिचित असं वळण घेणार आहे? या स्त्री-पुरुष समान नात्याचा पुरस्कार करणार्या कादंबरीतून आपल्याला भेटणारी यशोधरा ही बुद्धिमान आणि दयाळू वृत्तीची आहे आणि आध्यात्मिक बाबतीतलं ज्ञान पुरुषांच्या बरोबरीने स्त्रियांनाही मिळायला हवं, हा विचार समाज मनात रुजवून स्त्रियांना त्या वाटा मोकळ्या करून देण्याचा ध्यास तिच्या मनाने घेतलेला आहे.

Sakshidar Suvaranayugache (साक्षीदार सुवर्णयुगाचे)

Jahannam - Pratima Joshi Yanchya Nivadak Katha (जहन्नम : प्रतिमा जोशी यांच्या निवडक कथा)

मराठी साहित्याच्या वर्तुळात पत्रकार- साहित्यिक ही काही नवलाची गोष्ट नाही. प्रतिमा जोशी याही आपल्याला पत्रकार म्हणून परिचित आहेत. विशेषतः त्यांच्या वार्तापत्रांत असलेला परिघावर जगणाऱ्या माणसाविषयीचा आपुलकीचा स्वर आपल्याला ओळखीचा आहे. पण हा आपुलकीचा स्वर भावविवश होत नाही, कारण प्रतिमा जोशी यांना व्यवस्था आणि व्यवस्थाबदलाची कणखर वास्तवता परिचित आहे. प्रतिमा जोशींच्या कथेकडे पाहताना जाणवणारे एक वैशिष्ट्य म्हणजे त्यातल्या निवेदकाचा ननैतिक दृष्टिकोन! त्यांच्या कथेतील निवेदक समाजमान्य नैतिकतेचे मापदंड मानीत नाही पण त्याहीपलीकडची माणसामाणसातील गाभ्याची नैतिकता त्यांच्या निवेदनातून व्यक्त होते. एखाद्या वादाची छत्री मिरवत माणसाच्या वागणुकीचा योग्य-अयोग्य न्याय करण्याची भूमिका या कथांत नाही. तरीही माणूस माणसाला किती विविध तन्हांनी छोटा करतो याविषयीची जाणीव या कथांतून व्यक्त होते. या सर्वच कथांत लेखिकेने वातावरण, पात्रधर्म यांच्याशी भाषेचे रूप मिळतेजुळते राखले आहे. स्त्री कथाकारांच्या आत्ममग्न विमनस्कतेपेक्षा या कथांचे रूप वेगळे आहे.

Shunya Baghitlela Manus (शुन्य बघितलेला माणूस)

Niramshabeli Dian Fossey (निरामशाबेली डायान फॉसी)

डायाना फॉसी एका सहा फूट उंच अमेरिकन स्त्री. सुखवस्तू घरात जन्मलेली! रवांडात विरुंगा पर्वतराजीतल्या पर्वतीय गोरिलांचं संशोधन करण्यासाठी तिनं कॅरिसोक केंद्र उभारलं. घनदाट जंगलात, दाट धुक्यात, मुसळधार पावसात, मैलोन्‌‍मैल अंतर चालत, टोचणाऱ्या गवतपात्यांशी सामना करत तिनं गोरिलांचा अभ्यास केला. ती फक्त संशोधन करून थांबली नाही. गोरिलांचं शिकाऱ्यांपासून रक्षण करण्यासाठी तिनं आकाशपाताळ एक केलं. हॅलोविन मुखवटा चढवून शिकाऱ्यांच्या अंगावर धावून जाणारी, संकटप्रसंगी अतुलनीय धैर्य दाखवणारी, शेवटपर्यंत हार न मानणारी, आणि काहीसं गुंतागुंतीचं व्यक्तिमत्त्व असणारी ही डायान पर्वतीय गोरिला ही महान प्रजाती आजही टिकून आहे ते मुख्यत: डायनच्या अविरत प्रयत्नांमुळेच! तिनं जिवावर उदार होऊन दिलेल्या लढ्यामुळे! गोरिलांवर तिच्याइतकं निस्सीम प्रेम इतर कोणीही केलं नसेल! तिची, तिच्या आफ्रिकन साहसाची आणि तिला खरोखरच प्राणांहून प्रिय असलेल्या गोरिलांची ही रोमहर्षक कथा... Nyiramachabelli Dian Fossey : Ruta Ranade निरामशाबेली डायान फॉसी । ऋता रानडे

Karnaputra Ani Janmarahasya Part - 2 (कर्णपुत्र आणि जन्मरहस्य - भाग 2)

कर्णपुत्र आणि अस्त्र'या पहिल्या भागाला आपण जो अभूतपूर्व प्रतिसाद दिलात त्यासाठी आपणा सर्वांचे मनःपूर्वक धन्यवाद. पहिल्या भागासाठी अनेकांनी लिखित अभिप्राय पाठवले. त्याअभिप्रायातून मला काहींनी प्रश्नही विचारले. त्यात सर्वात जास्त जे प्रश्न आले ते म्हणजे, सुवेधच्या जन्माचं रहस्य काय ? तो नक्की कोणाचा पुत्र आहे? नदीकाठावर त्याच्याशी कोण बोलतं ? वगैरे. सगळ्यात महत्त्वाचा प्रश्न आला, धर्माक्षीबरोबर त्याचा विवाह दुसऱ्या भागात तरी होणार की नाही ? प्रस्तावनेत ही कादंबरी काल्पनिक आहे हे सांगूनदेखील अनेकांना ही सत्य घटनेवर आधारित आहे असं वाटलं किंवा वाचताना त्यांना ती तशी वाटली. तर एका चोखंदळ वाचकाने पहिल्या भागाइतकाच किंबहुना त्याहूनही सरस असा दुसरा भाग व्हायला पाहिजे हे ठणकावून सांगितलं. तर आमच्या एका सहृदय मित्राने 'इतर सर्व कामे बाजूला ठेवा, आधी दुसरा भाग पूर्ण करा' असंही सांगितलं. अशा शेकडो अभिप्रायामुळे दुसरा भाग लिहिण्यास प्रेरणा मिळाली. मला विश्वास वाटतो की, दुसरा भागही आपल्याला तेवढाच आवडेल, किंबहुना जास्तच भावेल. त्याच्याही प्रतिसादाच्या प्रतीक्षेत मी आहे.

Accounting For Dummies (अकाउंटिंग फॉर डमीज)

हसत-खेळत अकाउंटिंग छोटा किंवा मोठा, कोणताही व्यवसाय असला तरी त्यात अकाउंटिंगला फार महत्त्व असतं. अकाउंटिंग हा विषय अतिशय विस्तृत आहे. प्रत्येक व्यावसायिकाला आपल्या व्यवसायाच्या फायद्यातोट्याचं गणित बसवण्यासाठी अकाउंटिंगची ओळख असणं गरजेचं आहे. अर्थात, त्याचं ज्ञान प्रत्येकाला असेलच असं नाही. अच्युत गोडबोले यांच्या या पुस्तकात अकाउंटिंग या विषयाचे सर्व पैलू अत्यंत सोप्या भाषेत समजावून सांगितले आहेत. या पुस्तकात... अकाउंटिंगच्या भाषेची तोंडओळख फायनान्शियल अकाउंटिंग म्हणजे काय? कंपनीची फायनान्शिअल पोझिशन कशी समजून घ्यायची? जर्नल आणि लेजर पोस्टिंग कसं करतात? ट्रायल बॅलन्स म्हणजे काय? कॅश फ्लो स्टेटमेंटची माहिती शेअर कॅपिटलचे विविध घटक रेशो अॅनॅलेसिस कसा करावा? लायबिलिटीज आणि अॅसेट्स

Bhet Tujhi Majhi (भेट तुझी माझी)

Maza Jeevan Sangharsh - Neera Arya (माझा जीवन संघर्ष - नीरा आर्य)

Leading From The Back (लीडिंग फ्रॉम द बॅक)

सुपरस्टार लीडर’ बनण्यासाठी आवश्यक असणाऱ्या सर्व गोष्टी तुम्हाला या पुस्तकात मिळतील. तुम्ही तुमच्या टीममधील लोकांकडून आदर कसा मिळवू शकाल हे तुम्हाला या पुस्तकातून शिकता येईल, तसेच ‘असाध्य ते साध्य’ करण्यासाठी तुम्ही त्यांना कशा प्रकारे मदत करू शकता हेही तुम्हाला या पुस्तकात समजेल. त्यासाठी नेतृत्वविषयक असंख्य सिद्धान्त व नियम शिकण्याची गरज नाही, फक्त या पुस्तकात सांगितलेले तीन भागांचे मॉडल पुरेसे आहे, ज्याची आश्चर्यकारक यशस्विता सिद्ध झालेली आहे. उद्योग जगतातील तज्ज्ञ रवि कांत, हॅरी पॉल व रॉस रेक यांच्या अनुभवसंचितातून साकारलेल्या या अत्यंत अभ्यासपूर्ण व उपयुक्त कथारूप पुस्तकाचा सुप्रिया वकील यांनी अत्यंत सुबोध व ओघवता अनुवाद केला आहे.

Ain Baharat Kaif Kaharat (ऐन बहरात कैफ कहरात)

पारध’ कथेतील गुलछबू युवकाला एक युवती शिकवते चांगलाच धडा... ‘शेंगा’ कथेतील दरिद्री कुटुंबातील दोन निष्पाप जीवांनी महत्प्रयासाने मिळवलेल्या शेंगा पाण्यात वाहून जातात आणि त्यांची शेंगा खायची तीव्र इच्छा अपूर्णच राहते...‘एका शिष्ट मुलीची गोष्ट’ मधल्या संस्कारी, स्वावलंबी तरुणीची प्रेमकहाणी अधुरी राहून तिचा झालेला मृत्यू मनाला चटका लावून जातो... ‘सांवट’ कथेतील विवाहित नायक दुसऱ्या मुलीच्या प्रेमात पडतो... त्याच्या बायकोची संमती असते या प्रेमाला... ‘खोंबारा’ कथेतील म्हादूच्या काळजाला हौशी लग्नाआधीच विधवा झालीय हे ऐकून खोंबारा लागतो...मनाचा ठाव घेणाऱ्या कथांचा संग्रह

Gayguli (गायगुली)

‘गायगुली’ या कथासंग्रहातील ग्रामीण भाग आणि त्यातील वास्तव यामुळे या घटना आताच घडल्या आहेत असं वाटण्याइतपत जिवंत आहेत. उदा: ‘नातं’ कथेतील दळप घेऊन येणारा ‘कोकण्या’ असुदे किंवा ‘एक होता सखा’मधला ‘सखा’- दोघांच्याही आयुष्याचं गणित त्यांना न सोडवता आल्यामुळे त्यांचंच मातेरं होतं. ‘तिची गोष्ट’मध्ये ‘सावी’ या जोगतीण तिच्या रटाळ आयुष्याला कंटाळून ती गुन्हेगार कशी होते? आणि याउलट ‘शिकार’मधली ‘ती’ सावज असूनही शिकाऱ्याची- म्हणजे तिचा गैरफायदा घेणाऱ्याची धिटाईनं शिकार कशी करते हा फरकही वाचकाला जगण्यासाठी खूप काही देऊन जातो.

The Right Choice (द राईट चॉईस)

करिअरच्या दरम्यान लोकांना अनेकदा ज्या पेचप्रसंगाना सामोरे जावे लागते, त्यांचा सखोल अभ्यास द राईट चॉइस हे पुस्तक करते. इंडिया इंकमधील सर्वांत जास्त काळ सेवा देणारे सीइओ म्हणून कार्यरत असणारे शिव शिवकुमार आपल्या देदिप्यमान करिअरच्या दरम्यान मिळवलेले ज्ञान व अनुभव या पुस्तकातून आपल्यापुढे मांडतात. हे दहा पेचप्रसंग सोडवण्यासाठी आवश्यक असलेली शिकवण आणि धडे त्यांचे वैशिष्ट्य असलेल्या त्यांच्या थेट आणि स्पष्ट शैलीत ते आपल्याला देतात. उच्च अनुभव असलेल्या चोवीस व्यावसायिकांकडून मिळणारी अंतर्दृष्टी आणि वेगळे विचार यांचा देखील या पुस्तकात समावेश आहे. यशस्वी करिअर ही कधीच एका रेषेत नसते; त्यामध्ये अशी असंख्य वळणे आणि तिढे असतात जिथे तुमच्यासमोर निवड करताना अडचणी उभ्या ठाकतात. अत्यंत व्यावहारिक आणि प्रेरक असलेले द राईट चॉइस आपल्याला या कठीण परिस्थितीतून मार्ग काढायला आणि यशस्वी करिअरमध्ये मदत करते.

Dalal's Street (दलाल्स स्ट्रीट)

"एका इंडियन बिझिनेस स्कूलच्या तरुण पदवीधारकांचा गट गलेलठ्ठ पगार देऊ करणार्‍या ट्रेडिंग कंपनीच्या नोकरीकडे आकृष्ट होतो. स्टॉक ब्रोकिंगसारख्या अत्यंत गतिमान आणि भयानक स्पर्धात्मक जगात यशस्वी होण्याकडे या बॅचमधील मित्रांचं सगळं लक्ष एकवटलेलं असतं. हाव, लबाडी, आणि संपत्ती ही या जगात टिकून राहण्याची आणि यशस्वी होण्याची पहिली पायरी असते. जे अस्तित्व टिकवून ठेऊ शकत, ते विजेते ठरत. हा आर्थिक थरार या कादंबरीत डार्क ह्युमरमध्ये रंगवलेला अनुभवायला मिळतो. इथे अस्तित्वाच्या लढाईत जिवलग मित्र कट्टर प्रतिस्पर्धी बनतात, प्रत्येक उपहासात्मक हास्यामागे एक धमकी असते, आणि व्यापार-खेळासारखा पैसा आणि भविष्य सर्वच पणाला लावून दुसर्‍यावर कुरघोडी करून झटपट जिंकायचं, ही या जगाची रीतच असते. शेअर्सच्या किंमतीतील चढ आणि उतारांचं अधिराज्य असलेल्या या बाजारातल्या मानवी संबंधातील गुंतागुंतीच्या क्रिया-प्रतिक्रिया आणि डाव-प्रतिडाव यांचा ‘दलाल्स स्ट्रीट’ शोध घेतं आणि सर्व अग्निपरीक्षांतून पार होणार्‍या नायकाच्या उदयाचं चित्र कोरून समोर ठेवतं. "

Kya Haal Sunava (क्या हाल सुनावॉ)

डॉ. नरेन्द्र मोहन यांच्या आत्मकथेची ही पुढील कडी ‘स्व’च्या परिघात फिरणारी - त्यांच्या वैयक्तिक जीवनातली सुख-दु:खे-कटुता - समाज आणि राजकारणातल्या कठीण प्रश्नांचा ऊहापोह - सखोल आत्मविश्लेषण - दोन आणीबाणींमधल्या कालखंडाचे चित्रण – बालपण-तारुण्य-दुसऱ्या आणीबाणीपर्यंतचा वैयक्तिक-कौटुंबिक त्रास आणि तणाव – दहशतमय वातावरणात सुन्न झालेला देश या सोबतच त्यांच्या आयुष्यातल्या व्यक्ती, प्रसंग घटना, प्रवास आणि आठवणींची शृंखला - सुख आणि दु:ख, आनंद आणि वेदनेचीही शृंखला काल-यात्रीची साथ करत स्मृतींच्या अवकाशात भरारी घेते. ‘कमबख्त निंदर’मधला निंदर इथेही आहे; परंतु तो लपाछपी खेळतो आणि प्रश्नात टाकत जातो. या सगळ्या भावानिक गदारोळात डॉ. नरेन्द्र मोहन यांचे आंतर-बाह्य होणारे हाल अंतर्मन पोखरतात. सर्वांनी निश्चितच वाचावी अशी एक उत्कृष्ट आत्मकथा आपल्या भेटीला! "

Phutkya Madakyatale Pani (फुटक्या मडक्यातलं पाणी)

हे पुस्तक आहे आठवणींचं. हे पुस्तक आहे- तळमळीचं- आपलं काहीतरी मोलाचं हरपलं आहे, अशा भावनेचं आणि सरतेशेवटी सगळ्या गोंधळातून बाहेर पडत स्वत:ला शोधण्याचंही; कारण मानसिक-भावनिक गोंधळ हा तर जातीयतावादी समाजाचा भागच असतो. दलित म्हणून भारतातील जातीयतावादी समाजात जन्मल्यावर कोणकोणत्या प्रकारच्या अनुभवांना सामोरं जावं लागतं, समाज दलितांना कसं अदृश्यच करून टाकतो, त्यांना आपल्या आठवणींत, आपल्या कहाण्यांत स्थान कसं नाकारतो, हे एका नव्या पिढीच्या मनस्वी तरुणानं लिहिलेलं आत्मकथन सर्वांनीच वाचण्यासारखं आहे. जातिभेद माणसांना कसे अमानुष बनवतात त्याची आणि आपल्या सगळ्या समजुतींना मुळापासून हादरा बसवणारी गाथाच आहे ही.

The Fourth Protocol (द फोर्थ प्रोटोकॉल)

अशी एक कादंबरी जी ब्रिटन, सोव्हीएट युनियन व काही प्रमाणात साउथ आफ्रिका या देशांतील घटनांवर आधारित आहे. आंतरराष्ट्रीय हेरगिरी, वेगवेगळ्या नेत्यांचे नानाविध मनसुबे आणि ते साध्य करण्यासाठी केल्या जाणाNया गुप्त योजना, देशद्रोही माणसांचे अंतरंग, सत्ताधाऱ्यांचे अधिकाधिक सत्ता मिळवण्यासाठी चाललेले जीवघेणे उद्योग, त्यामध्येच एक हुशार रशियन गुप्तहेर अत्यंत गुप्त पद्धतीने एका भयंकर विध्वंसक अस्त्राची आखणी करत असतो; तेवढ्यात ब्रिटिश मंत्रालयाच्या M१५ विभागाला खबर लागते व त्यांचा चाणाक्ष अधिकारी होणारा विध्वंस कसा थांबवतो? तो आपल्या अथक प्रयत्नांनी धडक मोहीम राबवत त्या भयानक अस्त्राचा शोध कसा लावतो? त्याच्या कामाचा हुरूप, चिकाटी व आत्मविश्वास पाहून त्याचे अधिकारी त्याला कसा पाठिंबा देतात व ब्रिटिश साम्राज्यावरील एक संभाव्य संकट तो कसे दूर सारतो? आणि हे सगळं कोणत्या क्रमाने आणि किती गुंतागुंतीसह घडत-बिघडत जातं याचा वाचनिय अनुभव देणारे - ‘द फोर्थ प्रोटोकॉल..!’

The Litigators (द लिटिगेटर्स)

ऑस्कर फिनले, अ‍ॅड. वॉली फिग – भागिदार व रोशेल गिब्सन मदतनीस - शिकागोच्या साउथ साइडमधील एक नावाजलेली(वेगळ्या अर्थाने) लॉ-फर्म ‘फिनले अ‍ॅन्ड फिग’ - रुग्णवाहिकेचा पाठलाग करून मृताच्या नातेवाइकांकडून केसेस मिळवणे हा आघाडीचा धंदा – घटस्फोटाच्या केसेसमधेही समझोता करणं आणि घटस्फोट घडवून आणणं हा मार्ग - अशातच अ‍ॅड. डेव्हिड झिंकचे आगमन होते व फिनले-फिगच्या रटाळ आयुष्यात छोटीशी चेतना येते – डेव्हिडच्या आधी हाती घेतलेली एक औषध वंâपनीच्याविरुद्धच्या केसमध्ये दावा ठोकण्यासाठी तयार असलेली फर्म ही डेव्हिडसाठी व त्याच्या भविष्यासाठी एक मोठ्ठं वळण ठरते - रोगन रोथबर्गसारख्या उच्च दर्जाच्या लॉ-फर्मला कायमचा रामराम ठोकल्यानंतर डेव्हिड या कर्जात डुबलेल्या लॉ-फर्ममध्ये येतो काय आणि स्वत:मधला गमवलेला विश्वास परत मिळवून स्वबळावर पहिली जिंकतो काय हे सर्व अविश्वसनीय आहे. अशा विचित्र वकिलांची चढाओढ दर्शवणारी कादंबरी ‘द लिटिगेटर्स..!’

Parthsutra (पार्थसूत्र)

पार्थसूत्र' ही अर्जुनाच्या जीवनयात्रेतील एक प्रेरणादायी गाथा आहे. महाभारत या कालातीत महाकाव्याचा आधार घेत, हे पुस्तक नेतृत्व, जीवनध्येय, अंतःशक्ती आणि भावनिक स्थैर्य यांचे मौल्यवान धडे वाचकांसमोर आणते. प्राचीन तत्त्वज्ञान आणि आधुनिक दृष्टिकोन यांची सांगड घालत, लेखकद्वयी वाचकांना अर्जुनाचे आयुष्य उलगडवून दाखवतात. तुम्ही नवोदित व्यावसायिक असाल किंवा अनुभवी, विद्यार्थी असाल किंवा शिक्षक, कुटुंबातील सदस्य असाल - वडील, आई, मुलगा, मुलगी, सासू, सून किंवा इतर कुठलेही नाते असो... 'पार्थसूत्र' आपल्या प्रत्येकातल्या अर्जुनाशी संवाद साधते.

Pratibharang (प्रतिभारंग)

दैनंदिन घटना, योग आणि अध्यात्म अशा विविध विषयांवर आधारित लेखांचा संग्रह.

Swaryatra (स्वरयात्रा)

मानव जातीच्या उपकारासाठी ओमकारातून संगीताची निर्मिती झाली. षड्रिपू हे सात स्वरांनी शांत होतात, यावर आज पूर्ण जगाने शिक्कामोर्तब केले आहे. स्वर, ताल, लय आणि शब्द यांच्या मीलनातून जगातील सर्व संगीत तयार झाले आणि मानव जातीला उपकारक ठरले. दिव्य अशा स्वरानुभूतीतून शांती आणि आनंद माणसाच्या मनामध्ये पेरले गेले. भारतीय शास्त्रीय संगीत हे स्वराधिष्ठित असल्यामुळे मनोरंजनाबरोबरच त्यातील वेगवेगळ्या रागांमुळे मानसिक रोगही शांत होत जातात. भारतीय शास्त्रीय संगीतास हजारो वर्षांची परंपरा असून ते प्रामुख्याने धृपद, धमार, ख्याल, ठुमरी इत्यादी माध्यमांतून सादर केले जाते. अशा अनेक रागांचा लहानपणापासूनच सहवास लाभल्याने श्री. किरण फाटक यांना रागांचा अत्यंत दिव्य असा आशीर्वाद लाभला. श्री. किरण फाटक यांचे वडील आणि संगीतातील गुरु कैलासवासी भास्कर बुवा फाटक यांचा अत्यंत पवित्र असा आशीर्वाद आणि आत्या कैलासवासी इंदिराबाई केळकर यांचा आशीर्वाद, सहवास आणि मार्गदर्शन त्यांना मिळाले. अक्कलकोट निवासी श्री स्वामी समर्थ यांच्या कृपाशीर्वादाने, श्री. किरण फाटक यांच्याकडून शास्त्रीय संगीतावर तेवीस पुस्तके लिहिली गेली. श्री. किरण फाटक हे स्वतः ग्वाल्हेर घराण्याचे गायक असून त्यांच्या महाराष्ट्रात आणि महाराष्ट्राबाहेरही अनेक मैफिली झाल्या आहेत. प्रस्तुत पुस्तकात त्यांनी शास्त्रीय संगीतातील अनेक पैलूंवर अत्यंत अनुभवसिद्ध आणि अत्यंत सोप्या शब्दांत भाष्य केले आहे. संगीतातील रसिकांना आणि विद्यार्थ्यांना हे पुस्तक नक्कीच आवडेल असा विश्वास व्यक्त करतो.