-
Glokal Lekhika (ग्लोकल लेखिका)
आपल्या सुशिक्षित सुसंस्कृत समाजात अजूनही जगातील साहित्याबद्दल, सांस्कृतिक वैविध्याबद्दल आणि सामाजिक जीवनशैली आणि भावविश्वाबद्दल खूप कुतूहल आहे. तितकेच किंवा त्याहूनही अधिक कुतूहल आहे लेखिका, महिला कलाकार, महिला नाटककार यांच्याबद्दल अधिक कुतूहल असण्याचे कारण गेली सुमारे दीड-दोनशे वर्षं या साहित्य- कला विश्वावर वर्चस्व आणि प्रभुत्वसुद्धा पुरुष लेखक- नाटककारांचे राहिले आहे. जगभर, अगदी भारतात, आफ्रिकेत व चीन- जापानमध्येसुद्धा. ही ' पुरुषी प्रभुत्ववादी' साहित्य चौकट संजीवनी खेर यांनी एकप्रकारे मोडली आहे. त्यातूनच हा 'ग्लोकल लेखिका' प्रकल्प त्यांनी सुदेश हिंगलासपूरकर यांच्या मदतीने सिद्धीस नेला आहे. - कुमार केतकर
-
Katha Ani Jeevansutre (कथा आणि जीवनसुत्रे)
हे पुस्तक वाचकांना अस्सल भारतीय आणि तितकाच 'ग्लोबल' अनुभव देईल. तसेच मनोरंजनाबरोबर ज्ञानात भर पडल्याचाही आनंद मिळेल. भारत हा गोष्टींचा देश आहे. अनेक अख्यायिका, संस्कृती आणि परंपरांचे तो जन्मस्थान आहे. कथा हा भारतीय जनमानसाचा जिव्हाळ्याचा विषय आहे. या पुस्तकात अतिशय प्रभावी अशा नऊ भारतीय 'सुपरहिरों'च्या कथा आहेत. ज्या वाचल्यानंतरही दीर्घकाळ तुमच्या मनात राहतील. त्यांचे संदर्भ, त्यातून मिळालेली समज कायम तुमच्याबरोबर राहील. या गोष्टींमध्ये उत्कट देशभक्ती, शौर्य, वाक्चातुर्य, भक्ती, त्याग, कुशाग्र बुद्धिमत्ता आणि श्रद्धा यांचे दाखले आहेत. तुम्हाला माहीत आहे का की, शक्ती आणि भक्तीचे प्रतीक असलेल्या मारुतीरायाचे संवादकौशल्य असामान्य होते? छत्रपती शिवाजी हाराजांच्या आयुष्यातील अनेक प्रसंग 'स्टार्ट-अप' सुरू करणाऱ्यांसाठी प्रेरणादायक आहेत? व्यावसायिक ध्येयधोरणांत भावनिक बुद्धिमत्तेचा कौशल्यपूर्ण वापर कसा करावा याचे पाठ चाणक्यांच्या शिकवणीतून मिळू शकतात? अर्जुन, कबीर आणि आदि शंकराचार्य यांच्याकडे तुम्ही कधी 'नेते' आणि 'इन्फ्लुएन्सर्स' म्हणून पाहिले आहे का? दुर्दैवाने बहुतांशी लोकांना अज्ञात अशा राणी अव्यक्ता या आपल्या देशातील अतिशय कर्तृत्ववान स्त्रियांपैकी एक होत्या? भूतकाळातील काही सोनेरी पानांचे एका नव्या दृष्टिकोनातून चित्रण करण्याचा प्रयत्न या पुस्तकात केलेला आहे.
-
Pantila Japtana (पणतीला जपताना)
अनेकांना या ‘लव्ह जिहाद’ प्रश्नाचे अद्याप गांभीर्यच समजलेले नाही, ही सर्वात मोठी खेदाची गोष्ट आहे. अनेक जण हा प्रश्न काही विशिष्ट हिंदुत्ववादी संस्था-संघटनांनी बाऊ केलेला विषय असे मानून दुर्लक्ष करतात, ही आणखी क्लेशकारक गोष्ट आहे. या अशा पार्श्वभूमीवर ‘लव्ह जिहाद’चा विषय सांगोपांग, सविस्तर आणि सबळ पुराव्याच्या आधारे सजून घेण्यास समीर दरेकर यांचे ‘पणतीला जपताना...’ हे पुस्तक झणझणीत नेत्रांजनासारखे आहे.
-
Solitear (सॉलिटेअर)
एरवी एकमेकांच्या सोबतीने एकत्र राहणारे मोहरे सॉलिटेअरच्या पटावर उतरले की स्वत:च्या चौकटीत अलिप्त जगतात. स्वत:ची चौकट स्वत: पुरती राखताना सोबत्याला पटाबाहेर बिनदिक्कत भिरकावून भोवतालच्या चौकटी रिकाम्या करतात. सर्वाधिक सोबत्यांना ठार करणारा सर्वाधिक कुटिल मोहरा अखेरीस अख्खा पट बळकावतो, तरीही स्वत:च्या चौकटीपुरताच उरतो. एकाकी. त्याला खेळवणारा खेळीयाही मोह-याएवढाच एकाकी असतो. त्याला ना भिडू असतो, ना प्रतिस्पर्धी. तो हरवतोही स्वत:लाच आणि जिंकतोही स्वत:बरोबरचीच लढाई. जगाच्या पटावर हा एकच खेळ सतत खेळला जातोय. परत परत, द गेम ऑफ सॉलिटेअर ! आणि आता तर खेळच खेळीयाला खेळवू लागलाय त्या खेळाच्या या पाच कथा !