-
Patrancha Album (पत्रांचा अल्बम)
नीला सत्यनारायण यांची ओळख एक आय.ए.एस. अधिकारी म्हणून जशी आहे तशीच एक कवयित्री आणि लेखिका म्हणूनही आहे. त्या राज्य निवडणूक आयुक्त म्हणून कठोर निर्णय घेऊ शकतात आणि त्याच वेळी अत्यंत कोमल व मधुर संगीतरचना करू शकतात. त्यांचे सामर्थ्य खरे तर यातच आहे की त्या ‘वज्रदपि कठोराणि मृदुनि कुसुमादपि’ आहेत. त्यांचे आजवर 9 कविता संग्रह, 5 कादंबर्‍या आणि विपुल ललित लेखन प्रसिद्ध झाले आहे, तसेच लोकप्रियही झाले आहे. त्यांच्या लिखाणाचा मूळ आशय नेहमीच सामाजिक प्रश्नांकडे लक्ष वेधून घेण्याचा राहिलेला आहे. त्याचबरोबर त्यांचे साहित्य आशयघन आणि सकस असते.
-
Dattak Putra (दत्तक पुत्र)
दत्तक घेणार्‍या पालकांची, विशेषतः आईची मनोवस्था फार संवेदनशीलपणे या पुस्तकात मांडली आहे. ही कादंबरी सत्य घटनेवर आधारित आहे. नीला सत्यनारायण यांची आधीची ओळख एक आय.ए.एस. ऑफिसर म्हणून असली तरी आता त्या साहित्याच्या प्रांतात चांगल्याच रमल्या आहेत. त्यांची आजवर 26 पुस्तके प्रसिद्ध झाली आहेत. ग्रामीण भागातील मुला-मुलींना प्रशासकीय सेवेत स्थान मिळावे म्हणून त्यांचे विशेष प्रयत्न आहेत.
-
-
Ek Purn Aapurna
"डोळ्यांतले अश्रू पुसत मी एकदा डॉक्टरांकडे तर एकदा चैतन्याकडे पाहात होते. अनेक डॉक्टरांनी तर्‍हेतर्‍हेने माझा मानसिक छळ केला होता, त्यामुळे माझ्यातले काहीतरी संपून गेले आहे, मरून गेले आहे याची मला जाणीव झाली. पण त्याचं क्षणी माझ्या मनात जे रुतलं आहे ते फारच अनमोल आणि महत्वाचं आहे. एक प्रचंड ईर्षा आणि प्रचंड उर्जा माझ्या हृदयात एकवटली होती. तिने मला प्रत्येक संकटाला सामोरे जायचे सामर्थ्य दिले होते. एका आईच्या आत्मशक्तीने सगळीच्या सगळी वैद्यकिय भाकिते खोटी ठरवली होती!"