To Tee (तो ती)

वेगवेगळी नाती, त्यातील बंध त्यातील मौज सांगणारी आणि त्यांतील गुंते उलगडणारे सुधीर गाडगीळ यांचे हे पुस्तक. मैत्री, उसनं प्रेम, पती, पत्नी और वो, बोलघेवडी, मिस फिट अशा शीर्षकाखालील छोटेखानी लेखांचा हा संग्रह मन प्रसन्न करतो आणि नात्यांकडे अधिक सजगपणे पाहायला शिकवतो. वेगवेगळे प्रसंग, घटना आणि संवादांमधून ही नाती आपल्या समोर येतात. नकोशी, हवीशी, निरागस, निखळ, मैत्रीची अन प्रेमाची निराळीच व्याख्या ती सांगतात. या नात्यांमधला आनंद, समाधान किंवा ओझे अथवा ताणही दिसतो. शिवाय ही नाती काही एका विशिष्ट वयाचीही नसतात. आयुष्याच्या वेगवेगळ्या टप्प्यांवर ती निर्माण होतात आणि आयुष्याला समृध्द बनवतात.