FBI (एफबीआय)
अमेरिकेच्या इतिहासात ‘फेडरल ब्यूरो ऑफ इन्व्हेस्टिगेशन’ला एफबीआयला – एक विशेष स्थान आहे. गुन्हेगारांना शोधणे, हेरगिरीचे प्रयत्न उलथवून लावणे, दहशतवादाशी लढणे अशा गोष्टी आंतरराष्ट्रीय पातळीवर करणे आणि त्यात सन्माननीय आणि संस्मरणीय असे यश मिळवणे, यामुळे एफबीआय ही कोणालाही धाक वाटावा अशी एक प्रभावी शक्तीच आहे. अमेरिकेच्या कायदापालनाच्या इतिहासात अनेक यशोगाथांच्या स्वरूपात एफबीआयने गेली शंभर वर्षे स्वतःचे असे एक अलौकिक तेजोवलय निर्माण केले आहे. जरा खोलात शिरून, या शक्तीचे, तेजोवलयाचे खरे अंतरंग कसे आहे हे दाखवणे हा या पुस्तकलेखनाचा हेतू आहे.
