Vachu Anande Kumar Gat 1 (वाचू आनंदे कुमार गट १ )
पुस्तकं आपल्याला कल्पनेच्या जगात घेउन जातात, स्वप्नं दाखवतात, पण त्याचबरोबर आपण पाहत असलेल, ज्यामध्ये आपण जगत असतो ते जगही समजून घ्यायला शिकवतात. शब्दांमधून जसं जग दिसतं, जाणवतं तसंच रंगरेषांमधूनही जाणवतं आणि तेही तितकंच मनोहारी असतं. शब्द आणि रेषांचं जग बरोबरीनं अनुभवता आलं तर आपलं जगाकडे पाहणं अधिक सुंदर होतं. वाचनाची थोडीफार ओळख झालेल्या मुलामुलींना चांगल्या साहित्याच्या वाचनाची गोडी लागावी आणि त्याच बरोबर शाळेत अभ्यासासाठी असलेल्या विविध विषयांचे त्यांचे आकलन अधिक वाढावे या दृष्टीकोनातून या पुस्तकांच्या संचाची निर्मिती करण्यात आली आहे.
