Mantrajagar (मंत्रजागर)
वेगळ्या आणि अद्‌भुत वाटा चोखाळणार्‍या अरुण साधू यांच्या या वैशिष्ट्यपूर्ण कथा. पण वेगळ्या तरी कसे म्हणता येईल ? कारण मानवी संस्कृतीला लागलेली विकृतीची कीड, आण्विक प्रलय, मराठी भाषेची दुर्दशा हे विषय साधूंनी यापूर्वीही आपल्या कथा-कादंबर्‍यामधे हाताळले आहेत. किंबहुना या विषयांनी लेखकाला झपाटले आहे. व्यापक सामाजिक व मानवी आशय असलेल्या व भविष्यात डोकावून पाहण्याचा प्रयत्न करणार्‍या या अद्‌भुत विज्ञानकथा अथवा फॅन्टसीज्‌ आहेत असे म्हणता येईल. साधू यांच्या खास सहज शैलीतील.
