-
Indiana Jones And The Temple Of The Doom
'त्यासाठी तुम्ही आम्हाला मदत करा.' समोर उभे असलेले धर्मगुरू इंडियानाला म्हणाले. 'मी ?' इंडियाना आश्चर्यचकित होत पुढे म्हणाला, मी ती मदत तुम्हाला काय करणार ? 'आमच्या देवांनी ती सूचना आम्हाला दिलेली आहे.' काहीसे स्मित हास्य करीत ते धर्मगुरू पुढे म्हणाले - 'तोच हे आमच्यावर आलेले संकट थांबवू शकेल.' काही क्षण ते धर्मगुरू बोलायचे थांबले. नंतर ते शांत स्वरात पुढे म्हणाले - 'तुम्ही आमच्या प्रदेशात इथे आकाशातून खाली आलेले आहात !' इंडियाना जोन्स ते ऐकून आश्चर्यचकित झाला.
-
Filar (फिलर)
"कुणाला म्हणतेस ग मूर्ख ? आरसा बोलू लागला होता. कुणाला म्हणतेस गं मूर्ख ? तुझ्या मध्यमवर्गीय चौकटीतून बाहेर येण्याचा कधी प्रयत्न केलास ? शिकलीस, डीगऱ्या मिळवल्यास पण या चौकटीत स्वतः ला बंदिस्त करताना डोकं उंबऱ्याबाहेरच ठेवून आलीस. कशाची मिजास करणार आहेस ? कशाचा तोरा मिरवणार आहेस ? बाई गं बंड करायचं तर हात पाय मोकळे लागतात , जिभेला बोलता यावं लागतं. डोळ्यांना राग यावा लागतो. नीती अनीतीचे जुने धडे गिरवून नीतिमान होता येत नाही. नीती आतून यावी लागते. प्राणांतून जिचा हुंकार येतो ती नीती. परंपरागत चालत आलेले पाढे बे एके बे म्हणजे नितीनियामांचा गुणाकार नाही. प्रत्येक भावनेला भक्तीचा मुलामा द्यायचा. प्रत्येक विचाराला अध्यात्माचा रंग चढवायचा. यानं काहीही साधत नाही …" फिलर मधून