-
Manatal... Manapasun ( मनातलं ... मनापासून )
जीवनातील वाटा - वळणांवर पावलं टाकताना, प्रत्येकाच्या वाटयाला, कळत-नकळत नकोसा वाटणारा प्रवासही येतो. त्याला ब-याचवेळा आपणच जबाबदार असतो. हे न कळल्यामुळे त्यातून निर्माण होणा-या मानसिक संघर्षात, बुद्धी आणि भावना यांचा समतोल बिघडतो. आणि संभ्रम उत्पन्न होतो. अशा वेळी आपल्याला गरज असते ती, 'मनातलं, मनापासून' समजून घेणा-याची! ती गरज हे पुस्तक पूर्ण तर करीलच, शिवाय 'मनातलं सांगा आणि मनापासून जगा', हेही जाणवून देईल!
-
Chandrat ( चांदरात)
चित्रपटांविषयी सबकुछ म्हणजे 'बाबू मोशाय' हे समीकरण रसिकांच्या मनात कायम ठसलेलं आहे. कारण चित्रपटांचा इतिहास, कलाकार, तंत्रज्ञ,वितरक,अशा, चित्रपटांशी संबंधित अनेकानेक घटकांकडे पाहण्याची त्यांची मार्मिक आणि रसज्ञ वृत्ती! या सर्वांविषयी लिहिताना ते अभ्यासपूर्ण तर लिहितातच;शिवाय वाचकांना उत्तम रसास्वाद कसा घेता येईल याकडेही कटाक्षाने पाहतात. 'चांदरात' या बाबू मोशाय यांच्या लालीतरम्य शैलीतील पुस्तकाला, त्यातल्या अनमोल अशा खानिज्याला म्हणूनच संदर्भमूल्य प्राप्त झाले आहे. त्यांच्या भाषेची ताकद वाचकांना बांधून तर ठेवतेच, शिवाय त्यांच्या वाचनश्रीमंतीत भरही घालते.
-
Shabdavrati Shantabai
अवघ्या महाराष्ट्राला सुपरिचित असणा-या 'आपल्या' वाटणार-या प्रा. शांता शेळके, यांच्या वाड्मयीन कार्यकर्तुत्वाचा ललितरम्य शैलित घेतलेला हा आलेख. शांताबाईंच्या वाड्मयीन कर्तुत्वाबरोबरच त्यांच्या घरंदाज, शालीन व्यक्तीमत्वाचा आणि त्यांच्या प्रांजळ, निर्मळ वृत्तीचे, सुभग दर्शन घडवणारा!
-
Rutuvaibhav
वसंतॠतू ते शरदॠतू अशा सहाही ऋतूंमधले, सृष्टीच्या विविध आविष्कारांचे, पशुपक्ष्यांचे, नयनरम्य डोंगरद-याचे, निर्झरांचे... वर्णन. डोळ्यांचे पारणे फेडणा-या अशा सौंदर्याबरोबरच देश-विदेशातील कला, संगीतासह संस्कृती-संमेलनाचे चित्रदर्शी आरेखन म्हणजेच 'ॠतुवैभव!' निसर्गातल्या विविधतेने नटलेल्या, रंग-गंध-लय-ताल-नाद-स्पर्श या संवेदनाचं विश्व अमर्याद आहे. मन:पूत भटकंतीतून या निसर्गसौंदर्याचा रसिकमनाने घेतलेला हा आस्वाद वाचकांना मोहित तर करीलच, शिवाय पर्यटनालाही उद्युक्त करील.
-
Nilu Phule
आयुष्यभर सामाजिक बांधिलकी हे मूल्य ठामपणे अंगी बाळगून; लोकरंजनातून लोकप्रबोधनात कार्यरत असणारा 'निळू फुले' यांच्यासारखा कलावंत विरळच! पाच दशकं मराठी चित्रपटसृष्टी खलनायक म्हणून वर्चस्व गाजवणारा हा कलावंत, प्रत्यक्ष जीवनात मात्र अतिशय मावळ वृत्ती असणारा, तळमळीचा सामाजिक कार्यकर्ता होता. त्याहीपेक्षा अखेरच्या श्वासापर्यंत माणूसपण जपणारा एक सच्चा 'माणूस' होता. निळू फुलेंना एक माणूस म्हणून समजून घेताना कुटुंबप्रमुख, सामाजिक कार्यकर्ता ते अभिनेता असा सर्वांगाने वेध घेण्याचा हा प्रयत्न.
-
Tough Mind
माणसाच्या मनात, जगणं आणि जगत राहणं या स्वाभाविक आणि उपजत प्रेरणा असतात. त्यालाच जीवनेच्छा असं म्हणतात. होकारात्मक विचार, भावना आणि क्रिया-प्रतिक्रिया या सर्व गोष्टी आपल्याला जगायला समर्थ करतात. जीवनेच्छा म्हणजे अखेर मानववंशाच्या यशस्वी जागण्याच रहस्य! म्हणूनच होकारात्मक विचारांची किमया अनुभवायची असेल तर टफ बनणं गरजेच आहे. एकदा का तुम्ही तुमच माइण्ड टफ केलंत, की मनाची एकाग्र झालेली अमोघ शक्ती काय चमत्कार घडवते बघा. चला तर मग, आपण टफ बनू. पॉझिटिव्ह राहू!