-
Swadesh (स्व..देश)
‘ब्रेनड्रेन’ऐवजी ‘ब्रेनगेन’ सुरू झाला आहे. अनेक अनिवासी भारतीय भारतात परतू लागले आहेत. त्यात मराठी माणसे आलीच. अशा पंचवीस, घरट्यात परतलेल्या व्यक्तींनी आपल्या कहाण्या या पुस्तकात कथन केल्या आहेत. त्यांचे विश्व वेगळेच आहे . त्यांना आपल्या या जगाशी जुळवून घ्यायचे आहे . त्यांचा तो प्रयास कहाण्यांमधून स्पष्ट दिसतो … … आणि म्हणूनच बहुधा त्यांचा एक प्रतिनिधी आणि या पुस्तकाचा संपादक भूषण केळकर म्हणतो , ''आपण भारतातील रहिवासी असू , अनिवासी भारतीय (NRI) असू वा Nest Returned Indians,आता , आपली 'नर्मदापरिक्रमा ' महाराष्ट्रात सुरु झाली तरी ती खऱ्या अर्थानं पूर्ण होणार आहे मिसिसिपी , कोलोराडो , नाईल, होहँगहो ,टेम्स आणि डॅन्यूबच्या पत्रांत ! या नव्या साप्तगंगांच्या जलोघन महाराष्ट्राच्या अन पर्यांयान भारताच्या यशाचा अभिषेक सिध्द करण्यास आपण सर्वांनीच एकोप्यान काम करायला हवं!''
-
Camp Fire (कॅम्प फायर)
हिमालय, सह्याद्रीपासून सातत्याने युरोप आणि अन्य ठिकाणी गिर्यारोहण अन भटकंती करणारे वसंत लिमये यांचे स्वच्छंद आणि थरारक अनुभव या पुस्तकात वाचायला मिळतात. पहिल्या हाइकच्या नवलाईपासून या लेखनप्रवासाला सुरुवात होते. ते वाचताना आपणही नकळत या प्रवासात सहभागी होतो. सह्याद्रीतील अनेक अनवट वाटांवरचा असो व हिमालयातील अवघड शिखरे सर करण्याची चिकाटी असो वाचकही उत्साहाने ते अनुभवतो. या वाटांवर भेटलेली माणसे, रमणीय निसर्गाचेही दर्शन घडते. शिवाय लहान मुलांसाठी घेतलेली निसर्ग शिबिरे, संबंधित भागाचा भूगोल, परिसर यांचीही ओळख होते. लिमये यांची प्रस्तावनाही वाचनीय. छायाचित्रे आणि चित्रे लेखनास पूरक.