-
Slum Cat
ही लंडनमधील एका झोपडपट्टीतील राहणाऱ्या एका लहान मुलीची जीवनगाथा आहे. या स्लम कॅट चा कोणत्याही स्लम डॉग बरोबर तुलना अथवा स्पर्धा करण्याचा इरादा नाही . झोपडपट्टी कुठलीही असो सकृत दर्शनी ती कितीही गलिच्छ दलदल वाटत असली , तरी तिथे देखील एखादे कमळ उमलते! हि अश्याच एका उमलत्या कळीची कथा आहे , हृदयाचा ठाव घेणारी आणि मनोरंजक सुद्धा !
-
Hari
तरुण होतकरू फोटोग्राफर हर्षवर्धन कदम उर्फ हरी स्वतःशी अत्यंत प्रामाणिक होता. हरीला हे उघड होऊन सुद्धा की आपण जिच्याशी विवाह करण्याचा निर्णय घेत आहोत ती तरुणी पॉकेटमार असून, ती एका क्रूर गुंडाच्या टोळीतील गुन्हेगार आहे, तरी देखील त्याचा निर्धार कायम होता- तिला चुकीच्या मार्गापासून परावृत्त करण्याचा… … अक्षरश: अगदी शेवटच्या श्वासापर्यंत!
-
Openhaimar (ओपेनहायमर)
तो होता एक यशस्वी वैज्ञानिक. अणुबाँबच्या निर्मितीत त्याने हिरीरीने भाग घेतला, पण हायड्रोजनबाँबच्या निर्मितीला मात्र विरोध दर्शवला...मग राजसत्तेने त्याला शत्रू मानले, सरकारने त्याला जवळजवळ आयुष्यातूनच उठवले...जे. रॉबर्ट ओपेनहायमर त्याचे नाव! तरल कल्पनाशक्ती आणि विकृत वासना,लौकिक संपन्नता आणि मानसिक विषण्णता...अशा अनेक विरोधाभासांचा धनी ठरलेल्या एका लोकविलक्षण माणसाची, त्याच्या गुणदोषांची, त्याच्या सुखदु:खांची ही शोकात्म संघर्षकथा.
-
First Person
कॉलेजमध्ये असताना काही कामाच्या निमित्ताने दोन-तीन वेळा विजय तेंडुलकर यांच्या घरी जाणे झाले. तेव्हा कधी वाटलेही नव्हते, की त्यांच्या मुलीशी-प्रियाशी - पुढे माझी इतकी दाट मैत्री होईल! 'रजनी'च्या रुपात एक अभिनेत्री म्हणून अल्पावधीत लोकप्रियतेचा उच्चांक गाठणारी प्रिया मला मात्र जास्त भावली, ती एक लेखिका म्हणून! पण, 'टाइम्स ऑफ इंडिया'च्या 'बॉम्बे टाइम्स' पुरवणीतील प्रियाचे 'फर्स्ट पर्सन' नावाचे इंग्रजी सदर वाचताना कधी कल्पनाही केली नव्हती, की याचा मराठी अनुवाद करायची जबाबदारी माझ्यावर येणार आहे आणि तीसुध्दा प्रियाच्या पश्चात् ! प्रियाची धाकटी बहीण तनुजा हिच्या आग्रहामुळेच मी प्रियाच्या 'फर्स्ट पर्सन'चा अनुवाद केलाय. प्रियाच्या मूळ लेखनशैलीला धक्का लागून न देण्याचा माझ्याकडून तरी मी प्रामाणिक प्रयत्न केलाय.