Showing Books By Language : Marathi

Savitri (सावित्री)

श्री अरविंदांचे महाकाव्य 'सावित्री' याचा काव्यमय भावानुवाद

Bhadrakali (भद्रकाली)

महाराणी ताराबाईंच्या जीवनावरील उत्कंठावर्धक, ऐतिहासिक कादंबरी

Alpamoli Bahuguni (अल्पमोली बहुगुणी)

Seva Samarpan (सेवा समर्पण)

Pauranik Kathantil Guhyadnyan (पौराणिक कथांतील गुह्यज्ञान)

Sahvas Pratibhavantancha (सहवास प्रतिभावंतांचा)

'सहवास प्रतिभावंतांचा' या अशोक कोठावळे यांच्या पुस्तकात हृद्य व्यक्तिचित्रे आहेत, साहित्यसंस्थांचा आणि प्रकल्पांचा अनौपचारिक इतिहास आहे आणि वेगवेगळ्या गुणी माणसांवर प्रेम करण्याची क्षमता असणाऱ्या एका नम्र, सर्वसंग्राह व संवेदनशील लेखकाचे आत्मचित्रही आहे. त्यांच्या साहित्यिक वर्तुळाचा व संकल्पांचा असाच उत्तरोत्तर विकास होत राहावा आणि अनेक व्यक्तींना जवळ आणण्याच्या प्रक्रियेमुळे ते आयुष्यभर एक चांगले विद्यार्थी राहावेत अशी आशा करतो.

Athavaninchi Sathavan (आठवणींची साठवण)

वैयक्तिक आणि व्यावसायिक आयुष्यातील कडू-गोड प्रसंगांचा गोफ... गिरणगावातील बालपणापासून ते गिरगावातील तरुणपणापर्यंतचा प्रवास... लॉटरीची तिकिटे विकण्यापासून ते ग्रंथ प्रकाशनापर्यंतची व्यावसायिक कारकीर्द... बदललेल्या मुद्रणकलेपासून ते जुळलेल्या न जुळलेल्या पत्रिकेपर्यंतचे किस्से... सोसायटीतल्या सख्खे शेजारींपासून ते दुकानात येणाऱ्या ग्राहकांपर्यंतचे विविध नमुने... आस्तिक-नास्तिकतेपासून ते माणसातल्या हरवलेल्या माणुसकीपर्यंतची निरीक्षणे जगताना आलेले बहुरंगी अनुभव तटस्थ रसाळपणे मांडणाऱ्या ललित लेखांचं जाळीदार पिंपळपान म्हणजे आठवणींची साठवण. गेली चारं दशकं ग्रंथ प्रकाशन, ग्रंथ विक्री, संपादन आणि विविध साहित्यिक उपक्रमांचं सातत्यपूर्ण आयोजन यात अग्रेसर असलेल्या 'मॅजेस्टिक' अशोक केशवराव कोठावळे यांची ही 'आठवणींची साठवण' त्यांची एक वेगळी ओळख वाचकांना करून देईल. हे पुस्तक वाचताना तुमच्या मनातला आठवणींचा गोफही अलगद उलगडेल....

Aadhunik Chankya (आधुनिक चाणक्य)

Firata Firata (फिरता फिरता )

शैलेंद्र तनपुरे तीन दशके पत्रकारितेत आहेत. त्यांचे नाव घेतले की ‘राज-का-रण’ हे त्यांचे सदर आठवते.राजकारणातले अंत:स्तर ते या सदरातून निगुतीने उलगडण्यासाठी ते माहीर आहेत.पत्रकाराच्या जडणघडणीत फिरण्याला महत्व आहे.देशाटन आणि पंडित मैत्रीने येणारे शहाणपण पत्रकारितेत उपयोगी पडते.विविध देशांच्या वकिलाती म्हणूनच या मंडळीना आपले देश दाखवून आणतात.क्वचित खाजगी दौ-यातून पत्रकार जग पाहतात.या भटकंतीतून त्यांची व्यावसायिक दृष्टी विस्तारते.पत्रकार असला तरी तो माणूस असतो,त्यालाही नवे काही पहिले की आनंद होतो आणि हा आनंद वाचकाना वाटावा असे त्यालाही वाटते.त्यातून तो प्रवासाचे वर्णन लिहून काढतो.ज्याना प्रत्यक्ष फिरता येत नाही ते या वर्णनातून तोच आनंद घेतात.तनपुरे यांचे हे लेखन प्रामुख्याने दैनिक गावकरीतून झाले. वाचकांनी त्याना त्या त्या वेळी प्रत्ययाची पावतीही दिली यात सारे आले. प्रवासामुळे आपल्यात काय बदल झाले हेही लेखकाने मनोगतात सांगितले आहे.’फिरता फिरता’ला न्या. नरेंद्र चपळगावकर यांची प्रस्तावना लाभली असून ‘जगाचा हा डोळसपणे घेतलेला आस्वाद’ असल्याचे न्या,चपळगावकर यांनी नमूद केले आहे. स्थलवर्णनाच्या बाबतीत नेहमी असे जाणवते की पाहणारा त्याच्या त्याच्या नजरेने पाहतो म्हणून स्थळ एकच असले तरी प्रत्येकाला वेगवेगळे दिसते.विदेशात जाणा-या माणसाला आपल्या मातृभूमीची आठवण येतच असते.मात्र प्रत्येकाची सामाजिक, सांस्कृतिक,राजकीय जाणीव कसकशी विकसित झाली आहे यावर तो दोन्हीत तुलना अभावितपणे करतो..पत्रकाराच्या बाबतीत या जाणीवा फारच प्रगल्भ असतात. त्याचा प्रत्यय तनपुरेंचे प्रवासवर्णन वाचताना येतो.

Hirva Kopara (हिरवा कोपरा )

Bikat Wat (बिकट वाट)

Rangresha (रंगरेषा)

Sahasi Ishachi Adbhut Divyakatha (साहसी ईशाची अद्भुत दिव्यकथा)

Pravasayan (प्रवासायन)

प्रवासायण : निसर्ग, कला आणि संस्कृतीची अनुभूती भारतवर्षाच्या अथांग निसर्गाचा, प्राचीन कलेचा आणि समृद्ध संस्कृतीचा जिवंत अनुभव देणारा हा अनोखा प्रवासग्रंथ आहे. लेखकाच्या सिद्धहस्त लेखणीतून आणि त्यांनी स्वतः साकारलेल्या वैशिष्ट्यपूर्ण रेखाचित्रांमधून वेगळीच कलात्मक प्रवासगाथा साकारली आहे. पुस्तकातील लेखन चित्रदर्शी आहे; वाचताना आपण स्वतः लेखकासोबत प्रवास करत आहोत, असा प्रत्यक्ष अनुभव येतो. या प्रवासाची सुरुवात काश्मीरच्या दल सरोवरापासून होते. रोहतांगच्या रुपेरी बर्फाच्छादित गिरिशिखरांपासून मनाली-खज्जियारमार्गे हा प्रवास पुढे जातो. दक्षिण भारतात जाताना बांदीपूरच्या जंगलातील थरार अनुभवता येतो. मुनार-अलप्पुझाच्या देखण्या निसर्गसौंदर्याचे दर्शन घडते. पुढे बदामी, ऐहोळे, पट्टडकल, लेपाक्षी व श्रीरंग येथील अद्भुत पाषाणशिल्पे आणि भव्य स्थापत्यकलेच्या ऐतिहासिक वैभवाकडे हा प्रवास घेऊन जातो. पश्चिमेकडील सिंधू संस्कृतीचे वैभव असलेल्या लोथलच्या प्राचीन बंदरापर्यंत, प्राचीन काळातील पहिले प्रजासत्ताक असलेल्या वैशाली नगरीपर्यंत आणि त्यानंतर ईशान्येतील काझीरंगाच्या जंगलातील प्राण्यांचे, एकशिंगी गेंड्यांचे अरण्यानुभव घेता येतात. भारताच्या विविधतेने नटलेला हा संपूर्ण प्रवास वाचकांना थक्क करून सोडतो. निसर्गप्रेमी, इतिहासप्रेमी, कलाप्रेमी आणि पर्यटक यांना एकाच वेळी आनंद देणारा हा अप्रतिम ग्रंथ आहे. प्रवासातील अनुभव प्रत्येक वाचकाला समृद्ध करतील आणि भारताच्या गौरवशाली वारशाची एक नवी दृष्टी देतील.

Balakanche Aarogya Ani Aayurved (बालकांचे आरोग्य आणि आयुर्वेद)

आयुर्वेदाच्या सिद्धांतांवर आधारित असे हे पुस्तक लिहिताना आजच्या काळातील संदर्भही आम्ही जागोजागी घेतले आहेत. जेणेकरून या पुस्तकाला एक Practical handbook चे स्वरूप यावे. हे करताना तत्व आणि व्यवहार यांची उत्तम सांगड घालण्याचा आम्ही पदोपदी प्रयत्न केला आहे हे आपल्याला पुस्तक वाचताना लक्षात येईलच.

Save Your Child From Yourself (सेव्ह युवर चाइल्ड फ्रॉम युवरसेल्फ)

Manamanatle Rang (मनामनातले रंग)

मनामनातले रंग संपादक : अरुण शेवते माणसाचं जीवन व्यापतात माणसंच… बहुरंगी माणसं… बहुढंगी माणसं… बहुतांची ! काही जण माणसांची आयुष्यं बदलतात तर काही माणसं आपला ठसा ठेवून जातात. या पुस्तकात अशाच काही व्यक्तिमत्त्वांच्या एका कोपऱ्याचा मागोवा घेतला आहे, विविध क्षेत्रांतील नामवंतांनी… साहिर लुधियानवी / जावेद अख्तर काश्मिरचा आदिल / राजीव खांडेकर निळू फुले / विश्वास पाटील रोमनाल गडी… इरण्णा / समीर गायकवाड माझी पत्नी नयना / विनय सहस्त्रबुद्धे जस्टिस कृष्णास्वामी चंद्रू / संजय भास्कर जोशी ऑस्कर विनर कार्तिकी आणि निर्माती / पूजा सामंत तृतीयपंथी पद्मश्री मंजम्मा / शुभदा चौकर कवठेकर गुरुजी / द. वि. अत्रे हरित इस्त्रायलचे जनक डॉ. उरीशानी सचिन इटकर तर असा आहे हा बहुरंगी माणसांचा कॅलिडोस्कोप… मनामनातले रंग !

Deshodeshinche Nabhangan (देशोदेशींचे नभांगण )

Odyssey (ओडिसी)

ट्रॉयचं भीषण आणि दीर्घकालीन युद्ध होऊन दहा वर्षं उलटली आहेत... तरीही वीरयोद्धा ओडिसियस त्याच्या इथाका राज्यात, स्वगृही परतलेला नाही. तो परतीच्या प्रवासामध्ये मरण पावला असावा असंच सगळ्यांना वाटतं आहे. त्याच्या महालात त्याच्या पत्नीशी, पेनेलोपीशी लग्न करण्यासाठी इच्छुक असणाऱ्यांची रांग लागली आहे... कारण त्या दावेदारांना ओडिसियसची संपत्ती हवी आहे... त्याचा मुलगा टेलेमॅकसपुढे मोठा पेच उभा राहिला आहे... आणि इकडे ओडिसियस जिवंत आहे. कॅलिप्सो या दैवी सुंदीने त्याला आपल्या बेटावर बंदिवान केलं आहे. तिला तो हवा आहे. तिच्याशी लग्न केल्यास त्याला अमरत्व मिळणार आहे... ओडिसियस घरी परतेल की तिथेच राहील? त्याची पत्नीशी आणि मुलाशी पुन्हा भेट होईल ? मिथकं, दंतकथा आणि कहाण्या यांनी युक्त असणाऱ्या प्रवासाची प्राचीन साहसकथा म्हणजे होमरकृत ओडिसी. मानवाच्या जिद्दी वृत्तीचं आणि जीवनेच्छेचं दर्शन घडवणारी... त्यामुळे आजही तितकीच भुरळ घालणारी आणि कालौघात अजरामर ठरलेली !

HRUDYA (हृद्य)

रेखा इनामदार-साने या मनस्वी लेखिका, प्राध्यापिका आणि समीक्षक आहेत. विविध साहित्य-संस्कृती-संगीत वर्तुळांमध्ये उत्साहाने वावरणाऱ्या एक कलासक्त रसिक आहेत. या वर्तुळांमध्ये परिघांवर आणि आतील त्रिज्यांवर जी अनेक सर्जनशील माणसे त्यांना भेटली वा त्या आवर्जून त्यांना भेटल्या, अशा माणसांचे समांतर विश्व त्यांनी या ‘हृद्य’मध्ये उभे केले आहे. रेखा यांना परकायाप्रवेशाची वा परअंतर्ज्ञानाची सिद्धी प्राप्त झालेली नाही. केवळ कुतूहल, सांस्कृतिक जिज्ञासा आणि प्रेम या बळावर त्यांनी या पुस्तकात बारा विविधरंगी, विविधढंगी माणसांचा शैलीदार, चिकित्सक आणि मनोविश्लेषणात्मक कॅलिडोस्कोपिक कॅनव्हास रेखाटला आहे. या कॅनव्हासवर लेखिकेने या व्यक्तींचे स्वभाव, कार्यशैली, त्यांचे कौटुंबिक व सामाजिक जीवन आणि त्यांचा मित्रपरिवार यांचे रंग अतिशय आत्मीयतेने तसेच चिकित्सकपणे भरले आहेत. मी यापैकी बहुतेकांना बऱ्यापैकी ओळखतो; परंतु त्यांच्याबद्दलचे लेखिकेने केलेले वर्णन-विश्लेषण वाचून मला जाणवले की, मला त्यांची खरी ओळखच झाली नव्हती. माझ्या मनातली त्यांची शिल्पे ‘हृद्दा’ वाचल्यानंतर अधिक ठसठशीत झाली आहेत. ज्या वाचकांना ही माणसे माहीत नसतील, त्यांनाही हा पूर्ण सांस्कृतिक कॅनव्हास विलोभनीय वाटेल. -कुमार केतकर

Mazi ED Chukashi (माझी ईडी चौकशी)

सुनील पांडे हे बहुआयामी आणि बहुप्रसव लेखक आहेत. त्यांची पन्नासहून अधिक पुस्तके प्रकाशित झालेली आहेत. ही सर्व पुस्तके भिन्न- भिन्न आकृतीबंधाची आहेत. तथापि, सर्व पुस्तकांमध्ये वाङमयीन गुणांची पखरण आहे. 'माझी ईडी चौकशी' हा त्यांच्या चार विनोदी कथासंग्रहापैकी एक आहे. हेच शीर्षक असलेली कथा ह्या संग्रहात प्रथम आहे. गेल्या काही वर्षांत आपल्या देशात 'ईडी'ची प्रचंड चर्चा आहे, 'ईडी' धास्ती विशिष्ट वर्गात आहे, त्यामुळे शीर्षकापासूनच वाचकाच्या मनात कुतूहल निर्माण होते, पण कथा वाचून संपताच मन प्रसन्न होऊन जाते. ही अनुभूती सर्वच कथावाचून झाल्यावर येते. मराठीत श्री. कृ. कोल्हटकर, चिं. वि. जोशी, आचार्य अत्रे, पु. ल. देशपांडे, वि. आ. बुवा इत्यादी थोर लेखकांनी विनोदी लेखनाचा मानदंड निर्माण केलेला आहे. सुनील पांडे हे आपल्या कसदार विनोदी लेखनाने ह्या परंपरेचे पाईक ठरलेले आहेत. जीवनातील प्रत्येक गोष्टीकडे खेळकरपणे पाहण्याची दृष्टी विनोदी लेखकाच्या ठायी असली पाहिजे; तशी ती पांडे यांच्याकडे निश्चितच आहे. विनोदबुद्धी ही नैसर्गिक देणगी आहे. ती प्रत्येक लेखकाला ओढूनताणून आणता येत नाही. पांडे यांना ती उपजतच लाभलेली आहे, हे त्यांच्या कथा वाचताना जाणवते. --- -श्रीराम ग. पचिंद्रे, (ज्येष्ठ संपादक, कवी आणि लेखक कोल्हापूर)

Keladicha Udatta Raja (केलाडीचा उदात्त राजा)

केलाडीचा उदात्त राजा ही कर्नाटकातील केलाडी राज्याचे राजा शिवप्पा नायक यांच्या जीवनकार्यावर आधारित ऐतिहासिक काल्पनिक कादंबरी आहे. त्यांच्या शौर्य, उदारता, राजकीय दूरदृष्टी आणि सुशासनाचे प्रभावी चित्रण या पुस्तकात करण्यात आले आहे. शिवप्पा नायक यांनी जमिनीचे मोजमाप व वर्गीकरण यावर आधारित करव्यवस्था विकसित केली. तसेच शेती, सिंचनव्यवस्था आणि जंगलांचे संवर्धन यांना प्रोत्साहन दिले. पर्यावरण संवर्धनाची जाणीव, सर्वधर्मसमभाव, विजयनगर साम्राज्याशी असलेले नाते, सामाजिक कर्तव्य आणि आध्यात्मिक आस्था यांचा समन्वय त्यांच्या कार्यातून दिसून येतो. त्यांच्या जीवनातील प्रेरणादायी मूल्ये आजच्या आधुनिक भारतासाठीही तितकीच महत्त्वाची आहेत. आधुनिक राज्यकर्त्यांनी समाजाच्या आणि राष्ट्राच्या सर्वांगीण विकासासाठी त्यांच्या जीवनातून आणि कार्यातून अनेक शिकवण्या घ्याव्यात, असा संदेश या पुस्तकातून मिळतो.

Chanakya Buddhisutra Anivikshiki (चाणक्य बुद्धिसूत्र आन्वीक्षिकी)

आचार्य चाणक्य म्हणजे दूरदृष्टी, तर्कशक्ती, रणनीती आणि अचूक निर्णयक्षमतेचे मूर्तिमंत प्रतीक. चाणक्य बुद्धिसूत्र : आन्वीक्षिकी हे पुस्तक त्यांच्या जीवनकार्याचा परिचय करून देते. त्याबरोबर चाणक्यांची 'आन्वीक्षिकी' म्हणजेच बुद्धिसूत्रे आधुनिक जीवनातही उपयोगी पडतात. नेतृत्व, व्यवस्थापन, अर्थशास्त्र, कूटनीती, गुरुतत्त्व आणि यशस्वी जीवनासाठी आवश्यक असलेली बुद्धिसूत्रे या पुस्तकातून सहज, सोप्या आणि प्रेरणादायी शैलीत उलगडली आहेत. विचार अधिक स्पष्ट, निर्णय अधिक प्रभावी आणि जीवन अधिक यशस्वी बनवू इच्छिणाऱ्या प्रत्येकासाठी हे पुस्तक अमूल्य मार्गदर्शक ठरेल. या पुस्तकात... चाणक्यांचे प्रेरणादायी जीवन आणि राष्ट्रनिर्मितीचा इतिहास 'आन्वीक्षिकी' या विचारशास्त्राचे रहस्य आणि आधुनिक उपयोग अर्थशास्त्र व चाणक्यनीतीतील कालातीत बुद्धिसूत्रे नेतृत्व, रणनीती, व्यवस्थापन आणि निर्णयक्षमतेचे प्रभावी धडे गुरु-शिष्य परंपरेतील जीवनमूल्ये आणि संस्कार वैयक्तिक, व्यावसायिक आणि सामाजिक यशासाठी उपयुक्त मार्गदर्शन

प्रेम @ 9 टू 5 (Prem @ 9 to 5)

प्रेम @ 9 टू 5 ही कॉर्पोरेट जगतातील प्रेम, नातेसंबंध आणि भावनांची कथा आहे. प्रेम हा तिच्या स्वप्नात आयुष्याला मिळालेला जिन्नस पहिल्यापासून हवहवला हवा होता. जन्मावेळी नक्कीच आणि नंतर झालेला विलक्षण प्रेमभंग यामुळे मोहक, प्रणयरम्य, खरेदीदार कॉर्पोरेट मुली सुहानीचा प्रेमावरचा विश्वास कायमचा उडालेला असतो. पण तिच्या आयुष्यातील एक गूढ व्यक्ती तिच्या आयुष्यात येते आणि तिच्या नात्यांकडे पाहण्याचा दृष्टिकोन बदलू लागतो. या प्रवासात प्रेम, विश्वास, करिअर आणि नात्यांमधील गुंतागुंत उलगडत जाते. कॉर्पोरेट जगतातील आधुनिक जीवनशैली आणि त्यामधील नात्यांचा वेध घेणारी ही एक रंजक प्रेमकथा आहे.