-
Mulancha Aahar (मुलांचा आहार)
प्रतेक स्वतंत्र राष्ट्राने आपला प्रजेला आरोगपूर्ण जगणासाठी आहार देणे, त्या राष्ट्राचे आद्य कर्तव आहे. पाश्चिमात राष्ट्रांत योग्य अन्न पुरवठ्यास महत्त्वाचे स्थान दिले आहे. भारतातील निरनिराळा राज्यातून आहाराची पाहणी करणात आली. त्यामधे असे स्पटपणे आढळून आले की सध्याचा सर्वसाधारण आहार अयोग्य आहे. याचा सगळ्यात वाईट परिणाम लहान मुलांवर होतो. मुलांचा वाढीच्या वयात जर योग्य आहार दिला नाही, तर तांची शारीरिक, बौद्धिक, मानसिक, भावनिक वाढ खुंटते. आज भारतातील ९० टक्वे मुलांना अयोग्य आहार मिळत आहे. याचे कारण म्हणजे दारिद्र्य, अपुरा अन्न पुरवठा, अज्ञान, अंधश्रद्धा आणि महत्त्वाचे म्हणजे आहार शिक्षणाचा अभाव. आजची मुले उद्याचे नागरिक. तांनी स्वत:ची आणि राष्ट्राची कर्तवे योग्य तर्‍हेने पार पाडणासाठी योग्य आहार आवशक आहे. या दृटिकोनातून मुलांचा आहार हे पुस्तक अत्यंत उपुक्त व माहितीप्रद आहे. प्रतेक पालकाने ते वाचलेच पाहिजे.
-
Kaddhanyache Vividha Padarth (कडधान्यांचे विविध पद
कडधान्य हा आपल्या आहारातील अविभाज्य घटक आहे. कडधान्यांत प्रोटिन्स, फॅट्स, कार्बोहायड्रेट्स, कॅल्शियम, लोह इत्यादी गोष्टींचा समावेश असतो. कडधान्यांचे रोजच्या आहारातील महत्त्व लक्षात घेऊन बनविलेले विविध पदार्थ या पुस्तकात दिलेले आहेत. सोबत त्या त्या कडधान्यांचे महत्त्वही सांगितलेले आहे आणि काही महत्त्वाच्या टिप्सही दिल्या आहेत. या पुस्तकाच्या लेखिका सौ. वैयजंती केळकर ह्यांची आतापर्यंत 18 पुस्तके प्रसिद्ध झाली आहेत. `चैत्रांगण’ या त्यांच्या पुस्तकास `महाराष्ट्र शासना’चा पुरस्कार मिळाला. अनेक ठिकाणी परीक्षक म्हणूनही त्या जात असतात.
-
Puja (पूजा)
मध्यमवर्गीय ब्राह्मण कुटुंबातील व्यक्तींचे नातेसंबंध, त्यांचे रितिरिवाज, आणि त्यांचे दैनंदिन जीवन यांचे सुस्पष्ट प्रतिबिंब आशा बगे यांच्या कथांतून नेहमीच प्रत्ययास येते. ह्या कुटुंबातील वृद्ध माणसे, तरुण-तरुणी, कोवळी मुले- कोणी विद्यार्थी, कोणी गायक, कोणी आश्रित, कोणी दृष्टिहीन- या सर्वांच्या दैनंदिन जीवनातल्या छोट्यामोठ्या घटनांचे चित्रीकरण प्रस्तुतच्या ‘पूजा’ या कथासंग्रहातून प्रत्ययकारी रित्या आले आहे. छोट्या शहरांमधले शांत वातावरण, लहान-मोठ्या पात्रांची मानसिक आंदोलने, छोट्या-मोठ्या संवादांमधून आणि अल्पाक्षरी वर्णनांमधून डोळ्यांसमोर उभी राहणारी त्यांची व्यक्तिचित्रे... या प्रस्तुतच्या दीर्घकथा संग्रहातील सर्वच गोष्टी वाचकांना एका वेगळ्या वातावरणात घेऊन जातात.
-
Mother Teresa (मदर टेरेसा प्रतिमेच्या पलिकडे)
विसाव्या शतकातील व्युत्पन्न व्यक्तिमत्व असाच मदर टेरेसांचा उल्लेख करावा लागेल. जे मनात येत गेले ते सर्वस्व ओतून त्यांनी पार पाडले. ही 'इंट्युईशन' किंवा एका अर्थाने मनस्वीपणा, इतक्या निर्भीडपणे आचरणात आणणारी व्यक्ती किती मोठी होती याचे उत्तम उदाहरण मदर टेरेसा. ऍना सेबा या मूळच्या ज्यू लेखिकेने मदरच्या जीवनाचा किंवा चरित्राचा आढावा ज्या पद्धतीने व ज्या कोनांमधून घेतला तो आवाका बघून आपण थक्क होतो. त्यासाठी किती परिश्रम त्यांनी घेतले ते या पुस्तकात ठिकठिकाणी जाणवेल. एका अत्यंत श्रेष्ठ चरित्र-नायिकेला एका असामान्य चरित्र-कर्तीने केलेला मानाचा मुजरा असेच या पुस्तकाचे वर्णन करावे लागेल.