Showing Books By Language : Marathi

Dabholkar Hatya Aani Mi (दाभोलकर हत्या आणि मी)

विक्रम भावे यांना नरेंद्र दाभोलकर हत्येच्या प्रकरणात खोटेपणाने गोवले गेले. त्यामुळे त्यांना व त्यांच्या कुटुंबाला काय भोगावे लागले, तपास यंत्रणांची दमन तंत्रे, खोटे पुरावे तयार करण्याची परिसीमा आणि चाललेला खटला, यांचा लेखाजोखा…

Swasthyacha Chavdar Mantra (स्वास्थ्याच्या चवदार मंत्र)

Arunoday (अरुणोदय)

हे पुस्तक म्हणजे अभ्यासपूर्ण प्रबंधच आहे. भारतीय सैन्य, त्याचे कामकाज, अरुणाचल प्रदेशातील चीन सीमा या सर्वांकडे पाहण्याचा एक नवीन आणि व्यापक दृष्टिकोन वाचकांसमोर येतो. आजच्या काळाशी सुसंगत असे लेखन आणि कादंबरी लिहून लेखकाने मराठी साहित्यात मोलाची भर घातली आहे. व्हाईस अॅडमिरल सुनील भोकरे (सेवानिवृत्त)

Shadow House (शॅडो हाऊस)

शॅडो हाऊस... मेळघाटाच्या घनदाट अरण्याच्या मधोमध उभा असलेला एक प्राचीन, आलिशान बंगला. हा बंगला एका धनाढ्य उद्योगपती जगदीश पारेखच्या नजरेत येतो आणि तो त्या बंगल्यावर वर्षाअखेरीची पार्टी आयोजित करण्याचे ठरवतो. या पार्टीला जगदीशची बायको आणि हाऊसमेड यांखेरीज आणखी चार आमंत्रित येऊन पोचतात. सगळेजण चीअर्स करण्यासाठी ग्लास उचलतात, आणि नेमकं तेव्हाच अकल्पित घटना घडण्यास सुरुवात होते - बंगल्याच्या दारात स्वतःला वाईल्डलाईफ फोटोग्राफर म्हणवून घेणारा एक गूढ पाहुणा येणं; काहीच वेळात बंगल्यातील दिवे एकाएकी जाणं आणि पार्टीचा यजमान जगदीश याचा गोळी झाडून खून होणं...! खुनी बंगल्यात शिरलेला अनाहूत पाहुणा आहे का? की तो जमलेल्या आमंत्रितांपैकीच एक आहे? त्याच्या कचाट्यातून कोण वाचणार आणि त्याचा बुरखा कोण खाली खेचणार? अखेरच्या क्षणापर्यंत श्वास रोखून धरायला लावणारी क्लासिक् मर्डर मिस्ट्री

Tukobanche 51 Preranadayi Jeevansutre Bhag 5 (तुकोबांचे ५१ प्रेरणादायी जीवनसूत्रे भाग ५)

तुकोबांचे ५१ प्रेरणादायी जीवनसूत्रे भाग ५ - नवनाथ जगताप संत तुकाराम महाराजांच्या विचारांचा सागर अथांग आहे. जीवनाच्या प्रत्येक वळणावर मार्गदर्शक ठरणारी त्यांची अभंगवाणी ही खऱ्या अर्थाने माणुसकीची आणि विवेकाची पाठशाळाच आहे. 'तुकोबांची ५१ प्रेरणादायी जीवनसूत्रे' या मालिकेतील पाचवा भाग, वाचकांना अधिक प्रगल्भतेकडे नेणारा आहे. या भागात आम्ही तुकोबांच्या अशा अभंगांची निवड केली आहे, जे विशेषतः मनाची एकाग्रता, अहंकाररहित जगणे आणि समाजाप्रती असलेल्या कर्तव्यावर प्रकाश टाकतात. कठीण प्रसंगात डगमगून न जाता धैर्याने उभे राहण्याचे बळ तुकोबांच्या या सूत्रांतून मिळते. हे पुस्तक केवळ आध्यात्मिक ग्रंथ नसून, हे एक जीवनशिक्षण आहे, जे आपल्याला स्व-ओळख करून देते आणि जगण्याचे तत्त्वज्ञान समजावून सांगते. तुकोबांच्या शब्दांचा हा ठेवा आपल्या वैचारिक जडणघडणीसाठी नक्कीच प्रेरणादायी ठरेल. या प्रवासात सहभागी व्हा आणि जीवनाकडे पाहण्याचा एक नवा, सकारात्मक दृष्टिकोन आत्मसात करा.

Tukobanche 51 Preranadayi Jeevansutre Bhag 4 (तुकोबांचे ५१ प्रेरणादायी जीवनसूत्रे भाग ४)

तुकोबांचे ५१ प्रेरणादायी जीवनसूत्रे ! भाग २ लेखक - नवनाथ जगताप तुकोबांच्या वाणीतील साधेपणा, विचारातील गूढता आणि जीवनाला दिशा देणारी ताकद यांचा संगम म्हणजे "तुकोबांचे ५१ प्रेरणादायी जीवनसूत्रे भाग २". या पुस्तकात संत तुकाराम महाराजांच्या अभंगांमधून उलगडणारी जीवनतत्त्वे, आत्मविश्वास, कर्तव्य, संयम आणि भक्ती यांचे प्रभावी मार्गदर्शन दिले आहे. प्रत्येक सूत्र हे केवळ विचार नाही, तर जगण्याची दिशा आहे. आधुनिक जीवनातील ताणतणाव, संभ्रम आणि स्पर्धेमध्ये मार्ग हरवलेल्या मनाला हे पुस्तक नवचैतन्य देईल. तुकोबांच्या शब्दांतून स्वतःला शोधण्याचा आणि अधिक समृद्ध, शांत आणि अर्थपूर्ण जीवन जगण्याचा हा एक प्रेरणादायी प्रवास आहे.

Tukobanche 51 Preranadayi Jeevansutre Bhag 3 (तुकोबांचे ५१ प्रेरणादायी जीवनसूत्रे भाग 3)

तुकोबांचे ५१ प्रेरणादायी जीवनसूत्रे - नवनाथ जगताप २१ वे शतक हे धावपळीचे आणि प्रचंड मानसिक ताणतणावाचे आहे. आजचा तरुण स्वतःला सिद्ध करण्याच्या शर्यतीत अनेकदा आतून विचलित आणि हताश होतो. अशा वेळी मनाला अढळ शांतता मिळवून देण्यासाठी आणि यशाची अचूक दिशा दाखवण्यासाठी जगद्गुरू संत तुकाराम महाराजांचे विचार हे एका मार्गदर्शक 'मॅनेजमेंट गाईड' सारखे काम करतात. लेखक नवनाथ जगताप यांनी 'तुकोबांची ५१ प्रेरणादायी जीवनसूत्रे (भाग ३)' या पुस्तकात अत्यंत सखोल, साधे आणि व्यवहारिक विश्लेषण केले आहे. हे पुस्तक केवळ अध्यात्मिक उपदेश करत नाही, तर आजच्या कॉर्पोरेट जगाला आणि नवउद्योजकांना आवश्यक असणारे विचार पुरवते. यामध्ये स्वतःच्या बाह्य मर्यादांचा स्वीकार करून अंतर्गत गुणांचे ऐश्वर्य कसे वाढवावे? संकुचित विचारांचे घरकुल तोडून ब्रह्मांडाएवढी मोठी झेप कशी घ्यावी? पराधीनतेची चाकरी नाकारून स्वतःच्या हिंमतीवर स्वाभिमानी साम्राज्य कसे उभे करावे? याचे अप्रतिम व्यवस्थापन शास्र मांडले आहे. तात्कालिक संकटांना धैर्याने तोंड देऊन आपल्या आयुष्याचा आणि करिअरचा सुवर्णकळस गाठू इच्छित असलेल्या प्रत्येक महत्त्वाकांक्षी तरुणासाठी हे पुस्तक एक क्रांतिकारी आणि जीवन बदलणारे माध्यम ठरेल.

Tukobanche 51 Preranadayi Jeevansutre Bhag 2 (तुकोबांचे ५१ प्रेरणादायी जीवनसूत्रे भाग २)

तुकोबांचे ५१ प्रेरणादायी जीवनसूत्रे ! भाग २ लेखक - नवनाथ जगताप तुकोबांच्या वाणीतील साधेपणा, विचारातील गूढता आणि जीवनाला दिशा देणारी ताकद यांचा संगम म्हणजे "तुकोबांचे ५१ प्रेरणादायी जीवनसूत्रे भाग २". या पुस्तकात संत तुकाराम महाराजांच्या अभंगांमधून उलगडणारी जीवनतत्त्वे, आत्मविश्वास, कर्तव्य, संयम आणि भक्ती यांचे प्रभावी मार्गदर्शन दिले आहे. प्रत्येक सूत्र हे केवळ विचार नाही, तर जगण्याची दिशा आहे. आधुनिक जीवनातील ताणतणाव, संभ्रम आणि स्पर्धेमध्ये मार्ग हरवलेल्या मनाला हे पुस्तक नवचैतन्य देईल. तुकोबांच्या शब्दांतून स्वतःला शोधण्याचा आणि अधिक समृद्ध, शांत आणि अर्थपूर्ण जीवन जगण्याचा हा एक प्रेरणादायी प्रवास आहे

Idam Na Mam (इदं न मम)

राष्ट्रीय स्वयंसेवक संघाच्या आणि राष्ट्र सेविका समितीच्या अनेक तरुण स्वयंसेवकांनी ज्या जिद्दीने आणि समर्पण भावनेने ईशान्य भारतात परिवर्तन घडवले त्यांचं हे पुस्तक म्हणजे एक प्रेरणादायी शब्दचित्र आहे. या पुस्तकामुळे अशीच जिद्द आणि समर्पण भावना भारतातील युवकांमध्ये निर्माण होईल आणि त्यांच्या प्रयत्नातूनच, मानवजातीच्या भल्यासाठी आपल्या पवित्र मातृभूमीला सर्वोच्च स्थान प्राप्त होईल. डॉ. मोहन भागवत, सरसंघचालक, राष्ट्रीय स्वयंसेवक संघ

Janata Ajanata (जाणता अजाणता)

Shapit Vata (शापित वाटा)

Swantsukhay (स्वान्तसुखाय)

Londonnama (लंडननामा)

Allyad Pallyad (अल्याड पल्याड)

Nirbhaya (निर्भया)

"प्रश्नचिन्हांनी भरलेल्या संस्कृतीमध्ये स्त्रीची भूमिका नेमकी काय असते? ती फक्त पैशांचे साधन आहे? की छळण्याचे एक साधन (पंचिंग बॅग)? म्हातारे आई-वडील आणि मुलाबाळांची काळजी घेणारी सेविका? की एखाद्या व्यावसायिक करारातील दलाल? कामातील जोडीदार? तिसरे पादत्रण (नकोशी व्यक्ती)? की धमक्यांना न जुमानता स्वतःचे अस्तित्व आणि स्वतःची जागा टिकवून ठेवणारी एक स्वतंत्र व्यक्ती? कुसुम चोप्रा यांच्या आजवर न सांगितलेल्या, कधी उपरोधिक तर कधी गंभीर असलेल्या गोष्टी, स्त्रियांच्या मनाचा ठाव घेतात: घटस्फोटानंतरच्या आयुष्याकडे पाहण्याच्या वेगवेगळ्या दृष्टिकोनांवर प्रकाश टाकतात; कारगिलमधील हुतात्म्यांच्या विधवांच्या लोभी शोषणाविषयी सांगतात..."

Tarihi Sheshprashn (तरीही शेषप्रश्न)

Bill Gates Source Code Maze Suruvatiche Divas (बिल गेट्स सोर्स कोड माझे सुरुवातीचे दिवस)

नव्या युगाची पहाट होत असतानाच्या काळात एका अस्वस्थ किशोरवयीन मुलात संगणकाच्या आज्ञावलीचे कोडिंग करण्याची आवड कशी निर्माण झाली, आणि ‘माझ्या बुद्धीच्या साहाय्याने मी जगातील कोणत्याही गुंतागुंतीच्या गूढाची उकल करू शकेन’ हा आत्मविश्वास त्यांच्या अंगी कसा निर्माण झाला ते दिसून येतं. त्यांच्या अभूतपूर्व व्यावसायिक कौशल्याची चिन्हे त्यांच्या बालपणातच आपल्याला आढळतात. वयाच्या विसाव्या वर्षी हॉर्वर्डमधील शिक्षण अर्धवट सोडून त्यांनी आपली सर्व शक्ती लहानपणीच्या मित्रासोबत, पॉल अॅलनबरोबर स्थापन केलेल्या मायक्रोसॉफ्टसाठी खर्च करण्याचा निर्णय घेतला. पुढच्या आयुष्यात ज्यांनी संगणक युगातील क्रांतीत महत्त्वाची भूमिका पार पाडली त्या स्टीव्ह जॉब्स, स्टीव्ह वॉझनियाक आणि स्टीव्ह बामर या तीन स्टीव्हजबरोबर झालेल्या पहिल्या भेटींविषयी त्यांनी आत्मीयतेने लिहिलं आहे. मायक्रोसॉफ्टमध्ये केवळ दहाबारा कर्मचारी असताना १९७०मध्ये त्यांनी जेव्हा अॅपलशी पहिला करार केला. त्या सुमारास या पुस्तकाचा, बिल गेट्स यांच्या सुरुवातीच्या काळाचा शेवट होतो. अशा प्रकारचे अनेक करार पुढे होत गेले आणि कोणी कल्पना केली नसेल एवढी मायक्रोसॉफ्टची वाढ होत गेली. पण तरीही ‘तू निर्माण केलेल्या संपत्तीचा तू फक्त काळजीवाहकच आहेस, हे कधीही विसरू नकोस,’ हे आपल्या आईचे शब्द बिल गेट्स कधीही विसरले नाहीत. बिल गेट्स यांची अखंड ऊर्जा, महत्त्वाकांक्षा आणि त्यांनी या जगात स्वतःला कसं घडवलं, हे समजून घेण्यासाठी त्यांच्या या प्रेरणादायक पुस्तकाची मदत होते.

Code To Zero (कोड टू झिरो)

या कादंबरीला पार्श्वभूमी लाभली आहे, अमेरिका-रशिया यांच्यातील अवकाश स्पर्धेची. ल्युक हा शास्त्रज्ञ एका रात्री रहस्यमयरीत्या गायब होतो आणि त्याची स्मृती जाते. स्वत:ची ओळख शोधण्यासाठी बरीच धडपड करावी लागते त्याला. त्याचा कॉलेजपासूनचा मित्र अ‍ॅन्थनी, जो अमेरिकेच्या सीआयए या गुप्तहेर संस्थेत काम करत असतो, त्यानेच ल्युकला गायब करून त्याची स्मृती घालवलेली असते. ल्युकला स्वत:ची ओळख अन्य लोकांकडून कळली आहे, हे समजताच, अ‍ॅन्थनीचं धाबं दणाणतं. तो सतत त्याच्या पाठलागावर असतो. त्याच्यापासून वाचत, बिली या आपल्या मैत्रिणीच्या मदतीने ल्युक आपल्याला गायब करण्याचं आणि आपली स्मृती का घालवली गेली, याचा शोध घेत असतो. का नाहीसं करण्यात आलेलं असतं ल्युकला आणि त्याची स्मृती का घालवण्यात आलेली असते? त्याचा एक्सप्लोरर-१च्या उड्डाणाशी संबंध असतो का? का नसतं झालेलं त्याचं बिलीशी लग्न? त्याला एल्सपेथशी लग्न का करायला लागलेलं असतं?

Avachit Hota Bhet Tuzi (अवचित होता भेट तुझी)

Samagra K. P. (समग्र के. पी.)

We Are The Champions (वी आर द चॅम्पियन्स)

वी आर द चॅम्पियन्स हे पुस्तक प्रतिकूल परिस्थितीवर मात करून आपल्या जिद्द, धैर्य आणि चिकाटीच्या जोरावर यश संपादन करणाऱ्या असामान्य मुलांच्या सत्यकथांचा प्रेरणादायी संग्रह आहे. विविध पार्श्वभूमीतील या मुलांनी आपल्या कर्तृत्वाने समाजात सकारात्मक बदल घडवून आणला आहे. त्यांच्या संघर्षमय आणि प्रेरणादायी प्रवासातून आत्मविश्वास, मेहनत आणि ध्येयाप्रती निष्ठा यांचे महत्त्व अधोरेखित होते. हे पुस्तक विशेषतः तरुण वाचकांना मोठी स्वप्ने पाहण्याची आणि ती पूर्ण करण्यासाठी प्रयत्नशील राहण्याची प्रेरणा देते. वय कितीही कमी असले तरी दृढनिश्चयाच्या बळावर मोठी कामगिरी करता येते, हा संदेश हे पुस्तक प्रभावीपणे पोहोचवते.

Chincheche Zaad (चिंचेचं झाड)

'चिंचेचं झाड' ही सुंदर रामस्वामी यांची तमिळमधून भाषांतरित झालेली आधुनिक अभिजात कादंबरी आहे. एका प्रदेशाचा सामायिक इतिहास, हरपण्याचं दुःख, निसर्गाविषयीचं आपुलकीचं नातं आणि एखाद्या पौराणिक दंतकथेमध्ये शोभेल असं गावातल्या आयुष्याच्या केंद्रस्थानी असणारं एक चिंचेचं झाड, याविषयीचं मन भारावून टाकणारं चित्रण या कादंबरीत वाचायला मिळतं. दक्षिण भारतातल्या एका लहानशा गावामधला मध्यवर्ती तिठा, माणसांच्या आणि वाहनांच्या रहदारीने गजबजलेला; तिथे हे चिंचेचं झाड डौलाने उभं होतं. जोवर ते जिवंत होतं तोवर त्या झाडाचा आब जराही कमी झाला नव्हता. पन्नास वर्षांहून अधिक काळ ते भोवतालच्या जगाचा एक सहृदय साक्षीदार होतं. तिथला आनंद, दुःख, हसणं, रडणं प्रत्येक क्षण त्याने पाहिला. सावली देताना कोणताही भेदभाव केला नाही. बैलगाडीच्या जमान्यापासून सामाजिक, राजकीय, आर्थिक आणि पर्यावरणीय बदलांनी गजबजून गेलेला गावाचा प्रवासही या झाडाने पाहिला. त्याच गावामधला दामोदर आसन; एक गूढ तत्त्वज्ञ, असंख्य आठवणींचा संग्राहक, कथाकथनात निपुण असणारा. ते चिंचेचं झाड आणि त्या संदर्भात त्याने प्रसवलेल्या सगळ्याच कहाण्या, पिढ्या‌न्पिढ्या लोकांना झपाटून टाकणाऱ्या रसाळ गोष्टींचा अखंड झरा त्याच्यापाशी होता. दामोदर आसनच्या कथांनी भुरळ घातलेल्या एका अनामिक निवेदकाच्या कटू-गोड आठवणींमधून उलगडणारी 'चिंचेचे झाड' ही कादंबरी स्थित्यंतर, भौतिक विकासातील तडजोडी, अविनाशी प्रतिष्ठा, संस्कृती आणि काळाच्या पडद्याआड गेलेल्या, तरीही स्मृतींमध्ये अखंड जिवंत राहिलेल्या एका प्रतीकाची वैश्विक कथा आहे

Antarikshatil Jyoti (अंतरिक्षातील ज्योती)

अंतरिक्षातील ज्योती` हा एकूण सोळा कथांचा संग्रह आहे. या पौराणिक कथा आहेत. त्या कथांची खगोलशास्त्र आणि काही ठिकाणी भौतिकशास्त्राशी सांगड घातली आहे. काही ठिकाणी ग्रीक कथांचेही संदर्भ दिले आहेत. काही ठिकाणी चित्रांचा, नकाशांचा वापर केला आहे.

Deshodeshichya Laghukatha (देशोदेशीच्या लघुकथा)

जागतिक कीर्तीच्या साहित्यिकांनी लिहिलेल्या कथांचं हे संकलन. मानवी मनाचे पापुद्रे उलगडणाऱ्या आणि मानवी जीवनाचा आरसा दाखवणाऱ्या या कथा आहेत. स्यू आणि जोहन्सी या चित्रकार मैत्रिणींच्या मनोव्यापारांतून जीवन-मृत्यूची सीमारेखा, माणसाची स्वप्नं आणि नियतीची अतर्क्यता, यांचं दर्शन घडवते ‘अखेरचे पान’ ही कथा; तर कुत्रा चावल्याचा कांगावा करून पैसे उकळू पाहणारा इसम आणि मग त्या प्रसंगी, सोयीस्करपणे पक्ष बदलणारा पोलीस अधीक्षक, या व्यक्तिरेखांचं रंगतदार चित्रण करते ‘रंग बदलणारा सरडा’ ही कथा, तर ‘स्वार्थी राक्षस’मधून चित्रित झालाय एका राक्षसाचा स्वार्थांधतेकडून उमदेपणाकडे झालेला प्रवास, ‘काळा बुरखा’ कथेतून, फाशी गेलेल्या तरुण मुलाची आई आणि नुकतीच प्रॅक्टीस सुरू केलेला डॉक्टर यांच्यातील भावबंध गूढ वातावरणाच्या पार्श्वभूमीवर उलगडतो. तर ‘गार्डन पार्टी’ कथेत श्रीमंत घरातील पार्टी आणि त्याच वेळी त्या घरासमोरच्या गरिबांच्या वस्तीत एका तरुण माणसाचा झालेला मृत्यू, या विरोधाभासी प्रसंगांच्या चित्रणातून अधोरेखित होतं मानवी जीवनातील सत्य. मनोव्यापार आणि जीवनदर्शनाची कलात्मक गुंफण असलेल्या कथांची ही एक झलक. अन्य कथाही याच वैशिष्ट्यांनी सजलेल्या.