-
Rudraksha (|| रुद्राक्ष ||)
धार्मिक वृत्तीचे लोक मंत्रपठन व जपासाठी अनेक प्रकारच्या माळा वापरतात; परंतु रुद्राक्षमाळ सर्वश्रेष्ठ आहे असे शास्त्र सांगते; व याला वैज्ञानिक आधार आहे. वैदिक वाङ्मयातून रुद्राक्षाची महती वर्णिली आहे. जाबालोपनिषद तर संपूर्णपणे रुद्राक्षाला वाहिलेले उपनिषद आहे. रुद्राक्षाला पदार्थविज्ञान व रसायनविज्ञानाच्या कसोट्या लावून काही चिकित्सा केल्या आहेत त्याचा तपशील या पुस्तकात दिला आहे.रुद्राक्षाला भद्राक्ष म्हणून, बनावट रुद्राक्ष संबोधणारे लोकही आहेत. त्यांच्या व दिशाभूल करणार्या रुद्राक्षांच्या अन्य गोष्टींचीही माहिती या पुस्तकात सांगितली आहे. शिवाय रुद्राक्षाचे धार्मिक स्वरूप, औषधी गुणधर्म, ज्योतिषशास्त्र, मंत्रसामर्थ्य आणि लंबकचिकित्सा याही बाबींचा ऊहापोह याच पुस्तकात केला आहे. रुद्राक्षासंबंधीची चौफेर माहिती असलेले मराठीतील हे पहिलेच पुस्तक होय.
-
Careerchya Vegalya Vata ( करिअरच्या वेगळ्या वाटा )
दहावी-बारावीनंतर विद्यार्थ्यांचे करिअर घडत असते. त्यामुळे या परीक्षांना व त्यानंतर निवडलेल्या अभ्यासक्रमांना महत्व आहे. पण, काही वेळा अभ्यासक्रमांच्या माहितीची, योग्य मार्गदर्शनाचा अभाव असल्याने नेहमीच्या वाटेवरचे अभ्यासक्रम निवडले जातात. त्यातून पुढे अपेक्षाभंग होऊ शकतो. हे टाळून करिअरच्या योग्य अभ्यासक्रमाची निवड कशी करवी, याचे मार्गदर्शन किरण जोग यांनी 'करिअरच्या वेगळ्या वाटा'मध्ये केले आहे. देशभरतील ६२० अभ्यासक्रमांची नावे यात आहेत. त्यातून विद्यार्थ्यांना योग्य करिअरची निवड करता येईल. बुद्धांकाप्रमाणे भावनांक लक्षात घेऊन आपल्या आवडत्या करिअरमध्ये यशस्वी होण्याचा सल्ला जोग देतात.
-
Survantache Phulpakharu (सुरवंटाचे फोल्पाखरू)
कायद्याची, न्याय करण्याची सारी प्रक्रिया मुळात वांझोटी आहे. त्यातून हक्क शाबीत होतात, जय- पराजय नक्की होतो, मी बरोबर की तो बरोबर हे जाहीर होते, पण काहीतरी उत्पादन, काहीतरी मूल्यवर्धन (व्हॅल्यू अॅडिशन) हा जो कुठल्याही कारखान्याचा किंवा कंपनीचा मूळ उद्देश तो मात्र साध्य होत नाही. काहीही घडवायचे असेल तर त्याला या प्रक्रियेचा उपयोग होत नाही. यात मुळात निर्मितीक्षमतेची बीजेच नाहीत. उत्पादकतेला वाढ, उत्पादनातली वाढ ही त्यांतून प्राप्त होत नाही, कारण मुळात हे समाजवादी कायदे ज्या वर्गकलहाच्या, आहेरे-नाहीरे या वर्गगटांच्या कल्पनांवर आधारलेले आहेत, तो आधार मुळात लुटीची वाटणी अशा प्रकारचा आहे. केकची वाटणी कशी करायची असा तो विचार आहे. खायचे हिस्से ठरवण्याचा भाग आहे. केक कसा तयार करायचा, त्याचा आकार कसा वाढवायचा याचा त्यात विचार नाही, केकचा आकार सामूहिक श्रमाने वाढत असतो किंवा निदान वाढायला हवा हे त्यात बसत नाही.